Sporting Pontenova

Resultados

2012-01-22T18:20:00.000+01:00

Resultados

2012-01-18T23:21:00.001+01:00

2ª AUTONÓMICA, GRUPO 7

Resultados

2012-01-08T22:00:00.000+01:00

2ª AUTONÓMICA, GRUPO 7

2ª Autonómica: O Sporting acusa a falta de pegada e sufre para vencer ó Folgueiro

2011-12-21T18:48:00.000+01:00

Partido de tolos o vivido na Mina o pasado domingo. Ocasións, goles, remontadas, intensidade... tivo de todo o encontro, que se acabou decidindo no último suspiro gracias a un gol do xuvenil Anxo. Necesitaba esta victoria o conxunto gualdinegro para confirmar a boa xeira e marchar ó parón de Nadal nunha situación máis tranquila na táboa.

Na primeira xogada do partido Puente xa estivo a punto de inaugurar o marcador, quedándose só diante do porteiro logo dun fallo do central, pero a súa vaselina foise demasiado alta. Pouco despois volveu a gozar doutra oportunidade cun remate de cabeza desviado. As oportunidades estabas sendo para os locais, pero o Folgueiro tamén dispoñía de algún acercamento, aínda que con pouco perigo. E así chegou o primeiro tanto, obra de Fran, que partindo dende a banda dereita foise metendo ata o borde da área para soltar un zurdazo que se colou pegadiño ó pau da portería visitante. Facíase xusticia no marcador, visto o visto no terreo de xogo. Pero pouco durou a ledicia, e unha pérdida de balón no mediocampo acabou cun contragolpe que, axudado por unha falta de entendemento entre a defensa e Marco, provocou o empate dos vermellos. E nada máis sacar, pase en profundidade hacia a banda dereita, o atacante gáñalle a Villy por velocidade e define cun gran remate poñendo o 1-2 en só 2 minutos. Xarro de auga fría para os pontenoveses, que se vían por detrás nun partido no que estaban sendo moi superiores. A partir dese gol os de Moirón volveron a apretar, e as ocasións seguiron chegando de forma continuada, protagonizadas case sempre por Puente, Jorge ou Fran. Outra clara do 9, desviada polo porteiro, acabouna resolvendo Carlos na área pequena devolvendo o empate ó marcador. Quedaba pouco para o descanso, e non se movería o resultado.
No segundo tempo as tornas non mudaron, e os de Moirón seguiron exercendo un dominio incontestable. O gol víase vir, era cuestión de tempo, pero co paso dos minutos o nerviosismo iba en aumento e chegouse incluso a temer polo partido. As ocasións volveron a aparecer rápidamente, outra vez co protagonismo de Puente, auténtico incordio para a defensa do Folgueiro. Dispuxo de ata 4 man a man co porteiro, pero unhas veces a puntería, outras o gardameta, outras a mala sorte... acababan por dar ó traste cos seus intentos. Non era o día de cara a porta do dianteiro pontenovés, a pesar de firmar un gran encontro. Nunha das veces que conseguiu superar ó meta rival, apareceu un defensa para poñerse no camiño do balón cara a portería cando xa se cantaba o gol. Esa ocasión xa foi o colmo, e parecía que os da Mina non iban ser capaces de vencer un partido no que estaban aplastando ó rival. Pero a sorte sorríu, case no último minuto, cando á saída dun córner, e despois de varios rexeites, apareceu Anxo para fusilar a meta do Folgueiro poñendo o 3-2 que á postre significou a victoria do Sporting. Premio para o xogador do equipo xuvenil, que está participando con regularidade nos últimos partidos do primeiro equipo e rendido a un gran nivel.
Con estes 3 puntos, os pontenoveses quedan na 11º posición con 16 puntos, nun posto relativamente tranquilo e cerca da metade alta da táboa. O próximo compromiso será xa no ano 2012, logo do parón de Nadal, na fin de semana do 8 de xaneiro ante o Sacido, en Viveiro.

Resultados

2011-12-19T00:36:00.001+01:00

2ª AUTONÓMICA, GRUPO 7

2ª Autonómica: Empate en Cospeito con sabor a pouco

2011-12-14T20:45:00.001+01:00

O pasado domingo o Sporting visitou o campo da Fonte, en Cospeito, para enfrontarse a un dos conxuntos que en teoría vai pelexar polos mismos obxetivos que os de Moirón. Foi un partido no que o peso do mismo recaeu case na súa totalidade no conxunto local, diante dun Sporting moi forte en defensa e que non pasou serios apuros a pesar do mellor fútbol dos vermellos. Ó descanso chegouse co 0-0, pero o segundo tempo comezou cun claro penalti cometido sobre Puente, que Fran foi capaz de transformar logrando o 0-1 para os visitantes.
Poucos minutos despois o Cospeito logrou empatar tras unha boa xogada pola banda dereita, rematando un xogador local en boca de gol. Pero os de Moirón non lle perderon a cara ó partido e rápidamente Puente tivo unha clarísima oportunidade para volverse adiantar, pero fallou na definición cando xa se plantara só diante do porteiro. Seguían dominando os locais, pero as ocasións máis claras eran para os gualdinegros. O seguinte foi Fran, que controlou un gran pase longo de Rivas e, dende o punto de penalti, mandou un dereitazo que impactou na cara do porteiro, desviándo o balón o xusto para que marchara por encima do travesaño. E xa nos minutos finais, Jorge volveu a desbordar por banda esquerda e cando xa se dirixía en solitario hacia a portería, foi cazado por detrás ó borde da área por un zagueiro local. Roja directa e falta moi perigosa. Dispara Fran, a media altura e con moita forza ó lado do gardameta, que despexa caéndolle o rechace a Manu e este, libre de marca e co porteiro no chan, cabecea alto cando xa se cantaba o gol do triunfo. Non houbo tempo para máis, reparto de puntos nun partido no que os de Moirón puideron saír victoriosos, non por xogo pero si por oportunidades.

Falece Abelleira, histórico ex-xogador e adestrador do Sporting Pontenova

2011-12-14T20:15:00.002+01:00

O Sporting Pontenova está de loito polo falecemento dunha das persoas máis queridas pola familia gualdinegra. "O Catedrático", como así se coñecía a José Luis García Abelleira, faleceu o pasado domingo aos 63 anos de idade. Abelleira foi un dos fundadores do clube, alá polo 1979, e un dos xogadores locais con máis tradición, formando parte en numerosas ocasións do Puentenuevo F.C., equipo predecesor do Sporting e que competía nos pobos da rodeada.

Abelleira, de pé, terceiro pola esquerda

Máis tarde militou no Sporting Pontenova, primeiro no terreo de xogo e despois como adestrador, convertíndose probablemente no máis importante da historia do equipo, acadando numerosos títulos en categorías rexionais e sentando a base para acadar o logro máis importante do clube, o ascenso a 3ª División na temporada 1999/2000, xusto despois de que "O Catedrático" abandonase o clube por problemas de saúde. Descanse en paz.

2ª Autonómica: Iván Rañón abandona o Sporting para regresar ó Celta Barreiros

2011-12-13T20:27:00.000+01:00

O xogador da primeira plantilla Iván Rañón, que chegou o ano pasado coa temporada xa comezada, disputou ante o Celta Barreiros o seu último partido como futbolista do Sporting Pontenova, e foi precisamente ante o que a día de hoxe é o seu novo equipo. Nese partido, ademais, firmou dous goles e unha gran actuación ante o colista da táboa, ó que se incopora por motivos persoais e para axudarlles a acadar o obxetivo da permanencia. Este temporada estaba tendo un papel secundario no plantel de Moirón, pois só disputara dous partidos de Liga, os dous na Mina, ante o Meira e o citado anteriormente. De parte do Sporting Pontenova, non queda máis que desexarlle moita sorte na súa nova andadura.

Resultados

2011-12-11T20:58:00.001+01:00

Resultados

2011-12-06T21:16:00.001+01:00

COPA DA MARIÑA

Resultados

2011-11-30T15:26:00.001+01:00

2ª AUTONÓMICA, GRUPO 7

1ª AUT. XUVENIL, GRUPO 7

2ª Autonómica: O Matela remonta e o Sporting suma a terceira derrota consecutiva

2011-11-23T20:00:00.001+01:00

Cinco partidos sen gañar e tres derrotas consecutivas, ese é o peligroso balance dos de Moirón nas últimas xornadas. O pasado domingo era unha boa ocasión para cambiar esa mala xeira, pois o Matela estaba nunha situación parecida ó Sporting. Pero chegaban os da Mina moi mermados polas baixas, con varios xuveniles na alineación, aínda que o seu rendemento foi moi alto e o equipo respondeu ben, pois Javín adiantou ós visitantes no primeiro tempo cun golazo de vaselina para poñer fin así á sua mala racha goleadora. Pero no primeiro minuto da segunda parte os locais puxeron a igualada, e minutos mais tarde a mala sorte volveuse a cebar cos pontenoveses e Villy firmou en propia porta o gol que á postre significaría a derrota. 2-1 para o Matela, un resultado que deixa ós gualdinegros con 9 puntos moi cerca dos postos perigosos da táboa. O próximo compromiso será o vindeiro sábado ante o último clasificado, o Celta Barreiros, ás 4:15 no Campo da Mina.

Aut. Xuvenil: O Sporting suma e sigue

2011-11-22T19:42:00.001+01:00

O Sporting Pontenova colleitou unha nova victoria o pasado sábado na Mina, ante o Lourenzá. Foi nun partido no que os de Moirón se mostraron moi superiores, deixando o encontro casi sentenciado na primeira media hora cun golazo de Catalin e outro de Anxo á saída dun córner. No segundo tempo, os laurentinos recurtaron distancias pero, pouco despois, de novo Catalin puxo terra de por medio e firmou o definitivo 3-1 que lles permite ós pontenoveses continuar no segundo posto da táboa.

Nova edición dun partido que nos últimos anos se converteu nun dos clásicos da comarca falando de fútbol xuvenil. E, outra vez, nova demostración dos pontenoveses, que demostraron de novo que este ano poden volver a pelexar por cotas altas na competición. Preto do minuto 15 xa inauguraron o marcador cunha obra de arte de Catalin, que rematou un pase longo dende o mediocampo de maneira acrobática, coa espuela e sen deixar caer a pelota, superando o porteiro laurentino cunha vaselina perfecta. E pouco despois chegou o gol da tranquilidade, obra de Anxo rematando de maneira impecable coa cabeza un córner sacado dende a esquina dereita. Dominio total do Sporting, nun partido no que Marco estaba sendo un espectador de luxo, pero que respondeu con acerto cada vez que tivo que intervir. Con ese 2-0 chegaríase ó descanso.
A segunda parte comezou con certa relaxación dos locais, que aínda así non pasaron moitos apuros. Pero ese "letargo" co que saíron os de Moirón do vestiario permitiu que o Lourenzá recortase distancias, no que foi un espexismo para os visitantes, pois minutos despois Catalin firmou o terceiro gol para sumar un novo doblete na súa conta particular e deixar o partido sentenciado. A partir de ahí os blanquinegros tiveron moitas oportunidades para ampliar o marcador, pero este non se movería e o partido finalizou con ese 3-1 favorable ós locais.
Estes 3 puntos sérvenlles ós pontenoveses para seguir na segunda posición da táboa a só un punto do líder, o Pastoricense, que conta con 14. Na seguinte xornada os de Moirón viaxarán a Xove para medirse ó Xove Lago, un dos seus perseguidores con 11 puntos. Será o vindeiro sábado ás 16:15 da tarde.

Resultados

2011-11-19T19:04:00.001+01:00

2ª AUTONÓMICA, GRUPO 7

2ª Autonómica: O Sporting sigue sin levantar cabeza e cae na Mina ante o Candelaria

2011-11-16T18:06:00.001+01:00

A mala xeira continúa. Despois dun inicio de Liga esperanzador, os de Moirón metéronse nunha espiral de malos resultados da que está sendo difícil saír, e que os levou hacia a zona baixa da táboa. O último capítulo, o pasado sábado na Mina ante o Candelaria, nun partido que comezou con gol sportinguista e cun penalti fallado por Maketo, e que rematou con remontada dos de Rúa para levarse finalmente o partido por 1-2.

Nunha agradable tarde para ser Novembro, aínda que con moi pouco público na bancada, o choque comezou cun Sporting superior e ben plantado no campo, controlando ben o xogo. Aínda así as oportunidades non eran claras, pero chegou o primeiro gol. Un auténtico golazo, pois Villy enganchou un balón dende o mediocampo que sorprendeu a un adiantado porteiro do Candelaria para firmar así o seu primeiro tanto como xogador do Sporting. Era o minuto 8 e as cousas xa se poñían de cara. E puidéronse poñer máis aínda cando, minutos despois, o árbitro sinala penalti na área visitante. Maketo é o encargado de tiralo, pero o seu disparo é rexeitado polo meta mariñano, perdendo unha moi boa oportunidade para poñerse 2-0 no marcador e afrontar o resto do encontro con máis tranquilidade. Pero se as cousas podían ir a peor, foron a peor, e na xogada seguinte o colexiado volveu a sinalar outra pena máxima, esta vez na área do Sporting por falta de Bruno. Entre o pau e Xoel sacan o primeiro disparo, pero o xogador do Candelaria está atento ó rechace e esta vez sí, aínda que con suspense, logra poñer as táboas na Mina. A partir dese momento foron os vermellos os que pasaron a dominar o partido, pero ó descanso chegouse coa igualada.
No segundo tempo as cousas seguían máis ou menos como no primeiro. O choque estaba sendo bastante igualado, pero eran os visitantes os que vían o gol máis cerca. O Sporting seguía ó seu, intentando volver a collerlle o peso ó choque, pero sin claridade arriba, o problema máis serio dos últimos partidos. E o que se vía vir, sucedeu, pois foi o Candelaria o que conseguiu adiantarse no marcador. Estaba mediado o segundo tempo, e había que volcarse, polo que Moirón deu entrada a un dianteiro, Puente, en lugar dun defensa, Marcos Conde. Non quedaba outra que ir a polo partido, pero a arriesgada aposta do míster non deu resultado e os gualdinegros non foron capaces nin sequera de igualar a contenda, polo que o partido rematou cun 1-2 para os de Rúa.
Este resultado deixa ós pontenoveses na parte baixa con só 9 puntos en 10 partidos, aínda que a tiro de pedra dos postos tranquilos da táboa. O seguinte compromiso será en Matela, o vindeiro domingo ás 16:15 da tarde.

Resultados

2011-11-12T18:22:00.001+01:00

2ª AUTONÓMICA, GRUPO 7

2ª Autonómica: Derrota pola mínima en Galdo para continuar coa mala xeira

2011-11-08T22:32:00.001+01:00

Era o campo de Trasvías un feudo propicio para o Sporting nas últimas visitas, nas que nunca saíra derrotado e conseguira varias victorias, incluso goleadas. Pero este ano a historia non se repetíu e os de Moirón saíron derrotados por un axustado 1-0, nun partido con poucas ocasións para ambos bandos, no que o gol chegou por un despiste puntual. Non foi un bo partido dos pontenoveses, que tras esta derrota quedan no 13º posto con 9 puntos, que intentarán ampliar o próximo sábado ás 16:15 coa visita á Mina do Candelaria.

Aut. Xuvenil: Victoria sufrida ante o Foz para colocarse segundos na táboa

2011-11-08T21:04:00.003+01:00

Importante victoria do xuvenil do Sporting Pontenova ante un sempre favorito Foz, que non chegou á Mina no seu mellor momento pero que puxo en serios apuros ós de Moirón no segundo tempo, logo de chegar ó descanso cun tranquilo 2-0 para os locais. O protagonista, o de case sempre, Catalin, que firmou un novo doblete na súa conta particular para aupar ó Sporting ó segundo posto da clasificación.

Test serio para o Sporting Pontenova coa visita do Foz á Mina, conxunto que brindou algunhas das mellores tardes de fútbol no feudo pontenovés nos últimos anos. A climatoloxía non axudaba nada a presaxiar un partido bonito, pero os locais encargáronse, con bo fútbol, de facer máis levadeira a tarde de chuvia para os afeccionados que se acercaron ó campo. E máis cando, cando se levaban poucos minutos disputados, Marco saca en longo buscando a Catalin e este, ante o fallo da defensa roxiblanca, recibe só e define cunha preciosa vaselina que se cola subindo o primeiro ó marcador. Estábano merecendo os de Moirón ata ese momento, e non pararon de buscar o segundo a pesar de atoparse xa en ventaxa. A maioría de accións de ataque tiñan un mesmo protagonista, o mesmo que o do primeiro gol e o mesmo que conseguiría o segundo mediado o primeiro tempo. Catalin volveu a recibir preto da área, e logo de desfacerse da zaga focense batiu ó porteiro cun tiro seco e forte ó primeiro pau. 2-0 para o Sporting, resultado moi xusto polo que se estaba vendo. E así se chegou ó descanso.
No segundo tempo, froito da relaxación dos locais gracias ós dous goles de renta, foi o Foz que levou o peso do partido case dende o primeiro minuto. Aínda así, os de Moirón non lle perderon a cara ó encontro e puideron incluso ampliar a ventaxa, pero foron os visitante quenes recurtaron distancias mediado o segundo tempo. Pero a pesar do empuxe e de poñer en apuros ós pontenoveses en varias ocasións, o marcador final foi un 2-1 moi merecido para o Sporting, que foi moi superior no cómputo global do choque.
Con este triunfo os gualdinegros sitúanse segundos na táboa, só superados polo Pastoricense. O próximo sábado viaxarán a Ribadeo para medirse ó cunxunto local no Pepe Barrera.

Resultados

2011-11-06T18:25:00.002+01:00

2ª Autonómica: O Sporting non pode nin co Parga nin co árbitro

2011-11-02T19:27:00.000+01:00

Empate sen goles o pasado sábado no Campo da Mina na visita do Parga. Buscaban os de Moirón certificar con resultados o bon momento de xogo visto nos últimos encontros, pero atopouse cun correoso Parga e cun protagonista co que non se contaba, o colexiado. Os pontenoveses tiveron algunha ocasión clara para adiantarse xa no primeiro tempo, como unha internada de Fran pola esquerda que non atopou rematador ou un disparo de Maketo dende a frontal. Na segunda parte máis do mesmo, partido moi igualado con oportunidades para ambos equipos pero cunha actuación moi discutida do árbitro, que se comeu un claro penalti por mans na área do Parga e pitou varios fóras de xogo en contra do Sporting que foron moi discutidos pola grada e polos xogadores. Moirón rematou expulsado, e a maioría dos xogadores de campo do conxunto gualdinegro remataron o choque con cartón amarelo. E así, co 0-0 inicial, rematou o encontro. O próximo partido será o vindeiro domingo na localidade viveirense de Galdo, ante o Novas Raíces, ás 16:15 da tarde.

Resultados

2011-10-29T18:36:00.001+02:00

2ª AUTONÓMICA, GRUPO 7

2ª Autonómica: O Sporting perdoa e cae no desconto ante o Muimenta

2011-10-25T19:07:00.000+02:00

Partido para aprender o do pasado sábado no Pichón, ante o Muimenta. Un gran Sporting, que foi moi superior durante gran parte dos 90 minutos, non soubo aproveitar as clarísimas ocasións coas que contou e acabou saíndo derrotado gracias a un solitario gol conseguido polos locais no minuto 93, o que significou a segunda victoria na liga para os celestes.

De novo con baixas, como ben sendo costume, presentábase o Sporting no campo do Pichón disposto a confirmar o bon momento de xogo dos últimos partidos. A boa noticia foi a volta de Lolo ás convocatorias logo de varios encontros ausente. No bando rival un vello coñecido, Garboso, auténtico xefe da medular dun Muimenta que estaba firmando un arranque de liga un pouco por debaixo do esperado logo da gran temporada feita o pasado curso.
O árbitro deu o comezo e no campo, dous equipos que se respetaron moito desde o principio. Os primeiro acercamentos foron dos locais, case sempre con balóns longos que acababan a maioría das veces nas mans de Xoel. Tamén a balón parado puxeron en apuros á zaga gualdinegra, pero sin maiores consecuencias. Pouco a pouco os de Moirón foron entrando en calor e non tardaron en crear perigo. A primeira das moi claras chegou mediado o primeiro tempo, nun balón morto que lle cae a Fran dentro da área e, só diante do porteiro, non é capaz de definir correctamente cando xa se esperaba o primeiro tanto da tarde. E pouco despois a seguinte, nunha xogada larga na que o balón lle volve a chegar ó mesmo protagonista cerca do punto de penalty, e cando todos esperaban o disparo Fran intentou un pase moi complicado que acabou despexando a defensa. Xa iban duas claras, e mentras o Muimenta seguía levando perigo en xogadas ailladas ou noutras con pouca fortuna, pois Manu case introduce o balón na súa portería logo dun despexe de Xoel. Ó descanso chegouse asi, co 0-0 inicial.
No segundo tempo aumentou se cabe o control que estaba exercendo o Sporting no partido. As ocasións non tardaron en chegar, e ademáis moi claras. Na primeira, Javín rouballe a carteira ó central, encara ó porteiro e logo de driblalo, enrédase co balón e un defensor acaba desbaratando a ocasión. E minutos despois, nunha xogada case calcada, en vez de intentar regatear ó meta define seco e forte a un lado, pero esta vez o porteiro está fino e manda o balón a córner. Xa iban 4 clarísimas para os pontenoveses, e a medida que avanzaban os minutos o fantasma de "quen perdoa acábao pagando" asomaba nas mentes dos sportinguistas. No último cuarto de hora o Muimenta parecía máis vivo, e gozou dalgún achegamento con máis ou menos perigo. E cando o partido agonizaba, no minuto 93, córner para os locais. A zaga gualdinegra despexa o esférico, que lle volve a caer ó xogador que sacara de esquina, e este colga o balón de novo ó segundo pau e alí aparece un atacante celeste para rematar de cabeza e subir así o único gol do partido ó marcador. Xarro de auga fría para os de Moirón, pois non había tempo para reaccionar. E así foi, nada máis sacar de centro final, 1-0 para os locais.
Con esta derrota o Sporting sigue na zona media da táboa con 8 puntos. O seguinte compromiso, o próximo sábado na Mina ante o Parga, ás 4:30 da tarde.

Xuveniles: Primeira derrota da temporada no campo do Cospeito

2011-10-25T18:51:00.002+02:00

Logo de duas victorias de xeito consecutivo nas duas primeiras xornadas, a racha cortouse coa visita a un remodelado campo da Fonte, para enfrontarse ó Cospeito. Foi o pasado sábado pola mañá, nun encontro ó que chegaban os pontenoveses na busca dun novo triunfo que os asentara na parte privilexiada da táboa, pero o doblete de Catalin non bastou para que os de Moirón se fosen cunha victoria, e acabaron cedendo por 3-2. Este resultado déixaos no cuarto posto da táboa a só 3 puntos do líder, o Xove Lago. O próximo compromiso non será ata o 5 de novembro, na Mina ante o C.D. Foz.

Resultados

2011-10-24T13:24:00.000+02:00

2ª AUTONÓMICA, GRUPO 7

1ª AUT. XUVENIL, GRUPO 7

2ª Autonómica: O Sporting vence ó Rioaveso no Machinango gracias a un doblete de Javín

2011-10-18T20:17:00.000+02:00

Chegaba o Sporting Pontenova ó campo do Machinango co bo recordo do ano pasado, cando se impuxo por 2-4 cun gran protagonista, Fran, que firmara un hat-trick. Este ano a victoria volveuse a repetir, por 0-2, aunque outra vez con nome propio. Nesta visita tocoulle a Javín, autor dos dous tantos gualdinegros nun partido difícil que remata cunha victoria que pode ser moi importante para as aspiracións pontenovesas.
Presentábanse os de Moirón o pasado domingo conscientes da dificultade do envite ante un equipo, o Rioaveso, que xa se situara nos postos de privilexio da táboa e que está chamado a ser un dos que pelexe polo ascenso a final de temporada. E así o demostrou nos primeiros minutos, impoñendo un ritmo no partido que os pontenoveses non eran capaces de frear. Ó conxunto gualdinegro estáballe costando atopar o seu sitio no campo, véndose desborados polos locais en numerosas ocasións aproveitando o seu desorden. Na primeira parte os blanquiazuis foron dominadores absolutos, poñendo en apuros varias veces a Marco, que aínda así volveu a firmar unha notable actuación co primeiro equipo. Pero, cousas do fútbol, e xusto antes do descanso, foi o Sporting quen se adiantou gracias a un golazo de Javín, que aproveitou un fallo da defensa do Rioaveso para definir cunha gran volea que se colou pegadiña ó pau dereito da meta local. Foi no momento idóneo, pois non houbo tempo para máis nesta primeira metade e os de Moirón víanse por diante nun partido no que estaban sendo superados polo rival.
Iniciáronse os segundos 45 minutos cun Sporting con moitas cousas que correxir a pesar de ir por diante no marcador. E conseguiuno en gran parte, pois ós locais estáballes costando moito máis penetrar na maraña defensiva dos gualdinegros, a pesar de que o seguían intentando con insistencia pero en chegadas que inquedaban moi pouco. Por outra parte, os pontenoveses estaban administrando a ventaxa de maneira inmellorable, e gozaron dalgunha ocasión para subir o segundo ó marcador. E chegou mediado o segundo tempo, nunha ocasión sen aparente perigo. O porteiro do Riaoveso saíu da área para despexar un balón, fallou no golpeo e Javín, moi antento, fíxose co rexeite e, logo de regatear ó meta e a un defensa que lle saíu ó paso, definiu dende o borde da área facendo o 0-2 cun golpeo seco que se colou cerca do pau, a dónde non puido chegar un defensor que agardaba na portería. Gol da tranquilidade para os pontenoveses, que agora sí se vían seguros de sacar o partido adiante. Se xa antes do gol non estaban a pasar serios apuros, despois do tanto de Javín seguiron mantendo a calma e souperon neutralizar moi ben os arreóns dos locais en busca dun gol que lles dese esperanza. Pero nin á desesperada foron quenes de batir a Marco, polo que o encontro morreu con ese 0-2 que lle sirve ó Sporting Pontenova para situarse na 10ª posición con 8 puntos, na zona tranquila da táboa.
O seguinte compromiso será o vindeiro sábado ás 16:30 da tarde no campo do Pichón, ante o Muimenta do ex-sportinguista Garboso.

Xuveniles: Goleada ante o Praia de Covas para firmar un inicio de liga impecable

2011-10-18T19:54:00.001+02:00

Segundo compromiso de Liga do Sporting xuvenil e segunda victoria, esta vez ante o Praia de Covas. Logo de derrotar ó Sagrado Corazón a domicilio, chegaba á Mina o equipo viveirense, novato na competicións, e atopouse cun Sporting Pontenova nun gran estado de forma que xa na primeira parte deixou o partido sentenciado cos goles de Anxo e de Iván, de libre directo. No segundo tempo os de Moirón volveron a ser moi superiores e certificaron a goleada cun novo tanto de Catalin, deixando o marcador no 3-0 co que se chegaría ó final.

Con este triunfo os pontenoveses colócanse colíderes da clasificación con 6 puntos, a pesar de descansar na segunda das 3 xornadas que se levan disputado. O seguinte compromiso será o próximo sábado en Cospeito, no Campo da Fonte ás 11:30 da mañá.

Resultados

2011-10-16T23:00:00.005+02:00

2ª AUTONÓMICA, GRUPO 7

Resultados

2011-10-15T18:58:00.001+02:00

1ª AUT. XUVENIL, GRUPO 7

Resultados

2011-10-08T19:55:00.001+02:00

2ª AUTONÓMICA, GRUPO 7

2ª Autonómica: O Sporting deixa boas sensacións pero acaba caendo en Santaballa

2011-10-04T23:12:00.000+02:00

O pasado domingo tocaba rendir visita a un dos recén descendidos de Primeira Autonómica e, polo tanto, un dos favoritos da categoría, o Santaballés, vello rival do Sporting na súas andaduras pola Primeira Rexional e pola Rexional Preferente. A pesar dun inicio do encontro no que os locais foron moi superiores, os de Moirón pouco a pouco foron gañando terreo e gozaron de ata catro claras ocasións para adiantarse no marcador, pero o maior poderío físico dos de Santaballa acabou sendo determinante e impuxéronse gracias a dous tantos nos últimos 20 minutos.

Difícil compromiso o que se lle presentaba ó Sporting o pasado domingo, visitando no Campo da Liga ó equipo que acabaría a xornada como líder en solitario, o Santaballés. E outra vez, tocaba loitar contra as numerosas baixas do equipo, ó que se lle uniron as lesións de Javi e Fran durante o encontro. Nunha boa tarde para a práctica do fútbol, e con bo ambiente nas bancadas, principiou o partido cos locais moi enchufados, poñendo en serios apuros ó Sporting con varias chegadas perigosas nos primeiros 20 minutos. Outra vez Marco tivo unha actuación destacada, o que permitiu que os blanquiazuis non se adiantasen. Pero a partir de ahí o Sporting foi poñéndose serio e comezou a dominar, gozando de ocasións sobretodo por medio de Puente, o 9 na tarde do domingo. A máis clara foi cunha vaselina que a piques estivo de superar ó meta local, pero este estivo listo e adiviñoulle as intencións ó xogador gualdinegro. Tampouco o Santaballés foi quen de materializar as súas, polo que ó descanso chegouse co 0-0 inicial.
No segundo tempo as cousas seguiron máis ou menos como estaban, cos locais exercendo o control pero as oportunidades máis claras volvían a ser para os de Moirón. Nunha gran xogada individual, Puente case consigue o primeiro pero o porteiro chairego sacou unha man prodixiosa á base do poste. Pouco despois, o punta pontenovés exerceu de asistente cun gran centro que Jorge rematou defectuoso noutra gran ocasión. Este último volveu a ter outra oportunidade antes de ser sustituído, pero volveu a fallar na definición. Xa iban catro moi claras, ás que se pode unir un dous contra un de Jorge e Javín no que o primeiro tarda moito en dar o pase provocando o fóra de xogo do segundo. E ahí foi cando os visitantes comezaron a ceder terreo e as ocasións claras pasaron a ser do Santaballés. A primeira, nun bonito cabezazo que sacou Marco cunha espectacular palomita. Pero nada puido facer pouco despois, nunha xogada do interior dereito, que gaña a línea de fondo e pon un pase preciso ó borde da área donde aparece un xogador local para lograr o primeiro gol cun disparo cruzado. Xa estaba a balanza desnivelada e, aunque o Sporting non baixou os brazos, as forzas comezaron a fallar e os blanquiazuis controlaron totalmente o tramo final do encontro, sentenciándoo cunha gran xogada individual pola banda esquerda culminada cun trallazo que fulminou a portería de Marco e que significou o definitivo 2-0 a falta de poucos minutos.
Tras este resultado, o Sporting Pontenova queda na zona media da táboa con 4 puntos, que intentará ampliar o próximo fin de semana na visita doutro dos favoritos, o Iberia, ó Campo da Mina. Será o sábado día 8 de Outubro ás 17:30 da tarde, coincidindo coa primeira xornada das Feiras da San Lucas na localidade pontenovesa.

Aut. Xuvenil: Comeza a temporada cunha gran victoria no desconto ante o Sagrado

2011-10-04T20:35:00.000+02:00

O Pontenova inaugura a primeira xornada do Grupo 7 da Liga provincial xuvenil con unha victoria ó impoñerse pola mínima ó Sagrado Corazón A (0-1), nun encontro donde a balanza non tuvo fácil decantarse a favor dun ou outro contendente.

Durante a primera metade do encontro, ambos equipos mantiveron unha línea ofensiva, na que a pesar das ocasións a intensidade brillaba pola súa ausencia. O Pontenova mostrábase máis preocupado por defender a súa portería que por buscar a contraria. Na segunda parte, rompeuse o partido.

Os pupilos de Piru mostráronse superiores e crearon cinco ocasións claras de gol, que non lograron materializar en ningún caso. Sen embargo, o partido non se definiu ata o desconto, cando inesperadamente o Pontenova marcou o gol que lle deu a victoria, gracias a unha xogada combinativa, que finalizou Catalin con un remate á escadra.

Os mellores

S. Corazón A: 3. Juanillo 2. Manu 1. Cristian

Pontenova: 3. Catalin 2. Luis 1. Marco

Fontes: El Progreso, pontenova.es

Resultados

2011-10-02T22:21:00.003+02:00

2ª Autonómica: O Sporting pode cun duro Meira nunha nova edición do derbi veciñal

2011-09-27T18:25:00.000+02:00

Nova edición dun dos clásicos da categoría nos últimos anos, pois o Sporting recibía na Mina ó Meira o pasado sábado. Os locais partían lixeiramente como favoritos logo das goleadas recibidas polos celestes nas dúas primeiras xornadas, pero as numerosas baixas coas que chegaban os de Moirón e as ganas de enderenzar o rumbo dos de Abel fixo que o partido fose moi disputado , para rematar finalmente cun 2-1 para os locais logo de remontar o tanto inicial de Rubén.

Moi bo ambiente nas bancadas da Mina para recibir, un ano máis, ó Meira. Os de Moirón buscaban conseguir a primeira victoria da temporada, logo do empate a xornada anterior en Cervo, pero máis necesitados estaban os meirenses, que viñan de caer por 6-2 ante o Iberia e por 0-3 na Lomba ante o Rioveso. Pero a pesar dos dous duros golpes, presentáronse na Mina a polo partido e a piques estiveron de dar o susto. Un Sporting Pontenova demasiado lastrado, de novo, polas baixas, saltaba ó campo con dous xuveniles, Marco e Cata, e con outros dous no banco, Iván e Óscar Miranda. Na convocatoria a principal novidade foi a volta de Iván Rañón, ausente ata esta xornada. No bando rival destacaba a presencia dun ex-sportinguista, Hugo Leivas, que volvía este ano ó equipo do seu pobo logo de 3 temporadas no Sporting rendindo a un gran nivel, chegando a disputar dúas fases de ascenso a Liga Galega co equipo xuvenil e de ocupar a medular como titular indiscutible no primeiro equipo o pasado curso. E neste partido foi un dos destacados no Meira no seu retorno á Mina. No primeiro tempo os locais non parecían estar agusto no terreo de xogo, e eran os celestes os que gozaban das oportunidades máis importantes. Por parte do Sporting, Rivas a piques estivo de inaugurar o marcador cun gran cabezazo, pero iso, unido á pouca puntería dos homes de ataque, fixo que o gol se resistise. E máis se complicaron as cousas cando, a 25 metros da portería, Rubén recibe un balón escorado á banda dereita e sen pensalo solta un zurdazo precioso ante o que nada pode facer Marco a pesar da súa estirada. Adiantábase así o Meira, e parece que o gol despertou un pouco ós locais que, faltando 10 minutos para o descanso, comezaron a asediar a portería de Mario. Javín puido lograr o empate, pero foi Jorge, a escasos minutos para o descanso, quen logrou batir ó meta rival logo dun gran pase precisamente do 9 pontenovés, que o deixou só para que definise con seguridade ó primeiro pau. E non houbo tempo para máis, 1-1 ao descanso cando o Sporting parecía que comezaba a carburar.
E comezaba o segundo tempo cos dous equipos tratando de facerse co control, polo que o dominio seguíase repartindo. Os locais, con ganas de agradar, pouco a pouco foron gañando terreo e gañando metros, polo que as ocasións comezaban a chegar. E froito dese empuxe, no minuto 60 chegou o tanto da remontada. Foi nun balón pelexado por Carlos de cabeza, que acaba nos pés de Javín que define levantando o balón por riba do porteiro do Meira firmando un golazo que significaba o 2-1 para o Sporting. A partir dese momento, as salidas de Puente e Rañón aportaron frescura ó ataque gualdinegro, e puideron chegar máis goles para os locais. Aínda así, os de Abel non se amilanaron e tiveron ocasións de perigo para conseguir o empate, case sempre gracias á velocidade en ataque de homes como Rubén ou Jose, pero a zaga pontenovesa soubo frear as súas acometidas, así como un gran Marco, que de novo firmou unha actuación notable. O tanto da tranquilidade non daba chegado, e o encontro foi subindo en intensidade e dureza, por momentos, pero os locais administraron ben a escasa renta coa que contaban e acabáronse impoñendo por ese axustado 2-1, conseguindo así a primeira victoria do curso.
Con este triunfo, os de Moirón quedan na táboa con 4 puntos, mentres que o Meira segue sen estrar o seu casilleiro de puntos. O seguinte compromiso será o próximo domingo na cancha dun dos recén descendidos e un dos "gallitos" da categoría, o Santaballés.

Resultados

2011-09-24T20:15:00.001+02:00

2ª AUTONÓMICA, GRUPO 7

SPORTING PONTENOVA 2 - 1 Meira C.F.
Goles: 1-1 Jorge, 2-1 Javín

2ª Autonómica: Primeiro punto no empate sen goles en Cervo

2011-09-21T13:04:00.003+02:00

O Sporting estreou a súa conta de puntos cun empate sen goles no primeiro viaxe da temporada, ó campo da Biudueira en Cervo. Outra vez cunha convocatoria marcada polas numerosas baixas, os de Moirón mostraron unha firmeza defensiva que lles permitiu non pasar demasiados apuros ante un equipo sempre perigoso.

Presentábanse os pontenoveses en Cervo coas baixas de Juanki, Otto e Fran por lesión e Marcos Conde, Rañón, Xoel, Pablín, Lolo e Manu por motivos laborais, o que condicionou moito a alineación presentada por Moirón neste partido. Na portería volvía Marco, gardameta xuvenil que foi un dos protagonistas das eliminatorias da Copa Diputación no pasado curso, e que volveu a rallar a un gran nivel o pasado fin de semana. Foi nun partido sen un dominador claro, no que ambos equipos puideron saír vencedores. No Sporting Pontenova destacou a firmeza defensiva, polo que non pasaron excesivos apuros ante un conxunto como o Cervo, con moito oficio e con xogadores de moita experiencia na categoría. En ataque, as ocasións máis claras foron para os gualdinegros, protagonizadas sobretodo por Javín, Jorge e Javi, que incluso mandou un balón ó pau, pero nin eles nin os seus compañeiros foron capaces de marcar o primeiro gol da temporada para os pontenoveses. Ó final, un empate sen goles nun partido no que os visitantes puideron saír con maior premio do campo da Bidueira.
O seguinte compromiso para os de Moirón será todo un clásico dos último anos, pois visita A Mina o Meira, o vindeiro sábado ás 6 da tarde.

Xuveniles: Resumo amistosos

2011-09-21T12:48:00.002+02:00

Domingo 18 de Setembro, SPORTING PONTENOVA - E.D. Lourenzá

Nova victoria dos de Moirón ante o Lourenzá, continuando así coa súa preparación antes de comezar a Liga o primeiro día de Outubro. Neste novo envite ante os laurentinos, esta vez de locais, os pontenoveses impuxéronse por un claro 3-1 con goles de Diego, Catalin e Fran, este último estreándose como goleador ó transformar unha pena máxima.

Resultados

2011-09-17T22:52:00.002+02:00

2ª AUTONÓMICA, GRUPO 7

CERVO S.D. 0 - 0 SPORTING PONTENOVA

2ª Autonómica: O Sporting cae goleado polo Guitiriz no seu estreo

2011-09-13T16:45:00.001+02:00

Non comeza ben a liga 2011/2012 para o novo Sporting Pontenova. Igual que o curso pasado, o primeiro partido sáldase cunha goleada en contra e sen deixar boas sensacións. Esta vez o estreo foi na Mina ante o Guitiriz, un dos chamados a estar pelexando polo ascenso a final de temporada e que gozou dun partido tranquilo no feudo pontenovés case dende o principio.

Cun Sporting tocado polas baixas de Rivas, Pablín, Marcos Conde, Óscar, Rañón e Otto, presentábase un partido que xa se sabía de antemán que iba a ser tremendamente difícil, pero a boa pretemporada dos gualdinegros deixaba un fío de esperanza para comezar, por unha vez, o campionato cunha victoria. Pero pronto se truncou o guión, pois o Guitiriz adiantouse na primeira chegada, preto do minuto 5. A partir dese momento os visitantes fixéronse co control total do partido, cun Sporting que o intentaba pero non era capaz de chegar con perigo á meta rival. Tampouco axudaron as lesións, pois Fran tivo que retirarse mediado o primeiro tempo e preto do descanso, Juanki tamén rompeu e tivo que entrar Xoel no seu lugar. En ataque, Javín e Puente foron os máis activos, e gozaron das dúas ocasións máis claras. Nunha contra case perfecta, o balón acabou nos pés do 9 pontenovés, que dende a frontal da área mandou un trallazo que se foi fóra logo dun paradón do porteiro e coa axuda do poste. Puente tamén tivo outra boa oportunidade logo dunha deixada de Javín preto da área pequena, pero o seu disparo marchouse fóra. Tamén o Guitiriz tivo as súas oportunidades, pero o marcador non se movería e ó descanso chegouse con 0-1.
Os primeiros compases da segunda parte foron os mellores dos locais, que chegaron a rondar o empate en varias ocasións. O ataque formado por Jorge, Puente e Javín comezaba a crear problemas, pero o gol non daba chegado. A oportunidade máis clara para lograr a igualada tivoa Maqueto, cun gran remate de cabeza á saída dun córner que se foi á esquerda da portería por moi pouco. E noutro córner chegou o 0-2 que semellaba sentenciar o partido. Foi nun fallo da zaga sportinguista, que permitiu a un atacante rival rematar só a un metro da portería e batir a Xoel para subir o segundo á conta do Guitiriz. A partir dese momento os locais volcáronse hacia a meta visitante, pero sen acerto, o que propiciou que se creasen mais espacios que o rival soupo aproveitar nun par de ocasións, a última delas rematando nun golazo de vaselina que significou o definitivo 0-3.
Despois deste duro correctivo, os de Moirón poderán resarcirse o próximo sábado en Cervo, ás 5 da tarde.

Resultados

2011-09-11T23:54:00.002+02:00

2ª AUTONÓMICA, GRUPO 6

2ª Autonómica: Comeza o serio

2011-09-10T17:16:00.002+02:00

Arranca a Liga 2011/2012 para o Sporting Pontenova e, para empezar, un óso dos duros, o Guitiriz. Os de Moirón, que manteñen o bloque do ano pasado excepto Leivas e Gene, contan coas incorporacións de Arango, Bruno Bouza e Rivas para afrontar a terceira temporada consecutiva na categoría e volver a pelexar polo obxetivo de non pasar os apuros do pasado curso en algunha fase da competición. O primeiro exame será mañá domingo, ás 5 da tarde no campo da Mina.

2ª Autonómica: Resumo amistosos

2011-09-06T20:57:00.000+02:00

Viernes 2 de setembro, Sporting Pontenova - Atl. Muralla

Última proba dos de Moirón ante o inicio da liga, ante un rival chamado a ser un dos gallitos do grupo de Lugo, o Atl. Muralla, no que milita un estandarte do Sporting do ascenso a 3ª, Guillo. Nun partido moi disputado, os visitantes puxéronse 0-2 mediado o primeiro tempo, pero un tanto de Javín antes do descanso iniciou a remontada dos pontenoveses, que ó comezo do segundo tempo puxeron o 2-2 cun gol obra de Puente. Pero a pouco do final os lucenses certificaron a victoria cun gol que lles serviu para levarse o partido por un axustado 2-3.

O próximo compromiso xa será de Liga, coa 1ª xornada que se disputará na Mina o próximo domingo 11 de setembro, ás 17 h. ante o Guitiriz.

Xuveniles: Resumo amistosos

2011-09-06T20:51:00.003+02:00

Sábado 3 de setembro, Sporting Pontenova - C.D. Castro

Terceiro ensaio para os de Moirón ante un rival sempre complicado, o Castro. Nun partido cheo de alternativas, os dous goles de Catalin non foron suficientes para levarse o partido, pois os visitantes impuxéronse por 2-3 na Mina. Foi unha boa proba contra un rival da mesma categoría, para seguir coa preparación de cara a Liga.

2ª Autonómica: Resumo amistosos

2011-08-31T20:41:00.001+02:00

Xoves 25 de Agosto, Sporting Pontenova - U.D. Castros

Novo compromiso de pretemporada para os de Moirón, esta vez ante os asturianos da U.D. Castros, da 2ª rexional do Principado. Nun encontro dominado de cabo a rabo polos locais, acabáronse impoñendo por 1-0 gracias a un gol de Jorge Moirón, aunque o resultado puido ser moito máis amplio se os dianteiros do Sporting estiveran un pouco máis acertados.

Sábado 27 de Agosto, Santa Comba - Sporting Pontenova

Viaxe a Lugo para enfrontarse ó Santa Comba e continuar así coa preparación de cara á Liga. O resultado final foi empate a un gol, e Javín foi o encargado de anotar o tanto gualdinegro, nun choque que deixou boas sensacións en xeral a pesar das numerosas baixas coas que viaxaron os de Moirón.

O seguinte compromiso de pretemporada volverá a ser na Mina, o próximo viernes 2 de setembro ás 21:30 ante o Atlético Muralla, no que milita o ex-xogador do Sporting Guillo, un dos integrantes da plantilla que conseguiu ascender á 3ª división fai agora 11 anos.

Xuveniles: Resumo amistosos

2011-08-31T20:32:00.001+02:00

Sábado 27 de Agosto, E.D. Lourenzá - Sporting Pontenova

A estrea dos de Moirón nesta pretemporada produciuse o pasado sábado en Vilanova de Lourenzá, coa disputa do Trofeo Conde Santo. Cun rival da mesma categoría, a mellor maneira para ir collendo ritmo, os pontenoveses mostráronse moi serios e leváronse o partido por 0-1, gracias a un solitario gol de Anxo.

Martes 30 de Agosto, Sporting Pontenova - Astur Vegandense

Segunda proba para os gualdinegros, solventada tamén desta vez de forma brillante, cunha convincente victoria por 3-0 ante o conxunto asturiano. Os goleadores foron Catalin, Anxo e Borja, que firmaron así un goleada no seu primeiro compromiso como locais.

O seguinte amistoso será o próximo sábado, 3 de setembro, ás 11:30 da mañá, no Campo da Mina ante o Castro.

Pretemporada: Dúas victorias en dous novos amistosos

2011-08-23T14:57:00.002+02:00

O primeiro deles foi o pasado xoves, nun partido que o enfrontou a un combinado de aficionados locais que se xuntan varias veces por semana para xogar "pachangas" de fútbol-sala. Foi na II edición da recentemente denominada "Supercopa do pincheo", nunha proba que se está a convertir en todo un clásico do fútbol de verán e que destaca polo gran ambiente que se vive no terreo de xogo. O ano pasado o Sporting goleara por 10-1, pero nesta ocasión as diferencias non foron tantas e ó descanso chegouse con empate sen goles, decidindo a maior calidade e forma física dos gualdinegros no segundo tempo.
Javín inaugurou o marcador mediada a segunda parte, pero pouco despois Goá puxo as táboas cun auténtico golazo dende 30 metros que superou a Juanki colándose por toda a escadra, no mellor gol da tarde. O 2-1 non chegou ata o minuto 80, obra de Fran, e a partir de ahí o festival sportinguista completouse con outros 2 goles de Fran e outro de Lolo, completando o 5-1 definitivo. Despois do partido, ambos equipos compartiron uns pinchos dentro dun gran ambiente de cordialidade e citáronse para vindeiras edicións deste singular trofeo.

O segundo amistoso do fin de semana disputouse o sábado, en Mondoñedo ante o equipo local, que competirá este ano na 3ª autonómica. Os pontenoveses, con numerosas baixas e cunha gran representación do equipo xuvenil, foi moi superior ós mindonieneses e impúxose por 1-2, un resultado que se antoxa corto polo visto no terreo de xogo do Viñas da Veiga. Os autores dos tantos foron Pablín e Javi, firmando así unha nova victoria neste pretemporada para os de Moirón. A próxima cita, o vindeiro xoves na Mina, ás 21.30 ante a U.D. Castros, da segunda rexional asturiana.

Pretemporada: O C.D. Lugo xuvenil, campión do "I Trofeo Concello de A Pontenova"

2011-08-16T20:31:00.001+02:00

O pasado sábado celebrouse no Campo da Mina a primeira edición do Trofeo "Concello da Pontenova", coa presencia de dúas das canteiras punteiras de Galicia, os xuveniles de Divisón de Honor do C.D. Lugo e do R.C. Deportivo da Coruña. Completou o triangular o primeiro equipo do Sporting Pontenova, nun torneo que serviu como presentación oficial e que deixou boas sensacións na afición.

Nunha tarde moi agradable e con gran ambiente nas bancadas, os encargados de abrir o telón foron o C.D. Lugo e o Sporting Pontenova, no primeiro dos 3 partidos de 45 minutos que se ían disputar. No primeiro minuto os locais xa se puideron adiantar, pero Pablín non foi capaz de definir cando xa se plantara diante do meta lucense.
O resto do partido transcurriu bastante igualado, co Sporting ben plantado nun partido dominado polo Lugo, que gozou de algunha oportunidade para levarse o choque pero non foi capaz batir a Juanki. Os gualdinegros tamén tiveron as súas, pero ó final chegouse sen goles. Nos penaltis, que servirían para decidir o gañador en caso de empates, saíron vencedores os pontenoveses, que transformaron os 3 lanzamentos gracias a Lolo, Fran e Rivas e gracias ó lanzamento do Lugo detido por Juanki.

No segundo choque saíu a escea o R.C. Deportivo ante o conxunto local. O partido foi prácticamente un monólogo dos herculinos, que encerraron no seu campo a un Sporting que apenas se achegou ó marco contrario, pero que demostrou un orden e unha seguridade defensiva de gran nivel, moi axudados pola última fichaxe dos de Moirón, Bruno Bouza, que rendiu a un gran nivel xuntos cos seus compañeiros na zaga, Gene, Lolo e Marcos Conde. Os coruñeses, aínda co seu gran dominio sobre o céspede, non gozaron de oportunidades excesivamente claras, soamente un disparo alto dende o punto de penalti e un gol anulado por fóra de xogo. Outra vez o partido rematou sen goles, e nos penaltis o gañador esta vez foi o Deportivo, que transformou as tres penas máximas. Polo Sporting, errou Jorge Moirón, suficiente para inclinar a balanza do outro lado.

Polo tanto, o vencedor do torneo saliría do partido C.D. Lugo-R.C. Deportivo, o último da tarde. E non defraudaron os dous conxuntos da División de Honor, que lle brindaron ó público presente na Mina 45 minutos de bo fútbol, controlados na súa maioría polos lucenses, que se mostraron superiores case dende o primeiro minuto, no que xa gozaron dun man a man co porteiro coruñés. As oportunidades máis claras seguiron sendo do Lugo, pero a calidade dos xogadores do Deportivo a punto estivo de costarlles o partido nalgunha acción perigosa que non supuxo a apertura do marcador por moi pouco. Fíxose esperar o primeiro tanto da tarde, pero mereceu a pena. O dianteiro do Lugo recibiu un balón escorado á banda esquerda, e dende o lateral da área soltou un dereitazo que se colou por toda a escadra da portería herculina, facendo así o único gol do torneo que lles serviría para saír vencedores.

Tras este resultado, o podiun do "I Trofeo Concello de A Pontenova" quedou da seguinte maneira:

1º clasificado: C.D. Lugo

2º clasificado: Sporting Pontenova

3º clasificado: R.C. Deportivo da Coruña

A entrega de premios estivo presidida por Darío Campos, alcalde da Pontenova, que lle entregou o trofeo ós vencedores. O encargado de entregar o premio ó segundo clasificado foi o adestrador do primeiro equipo do C.D. Lugo, Quique Setién, que fai apenas dous meses estivo a piques de acadar o ascenso á segunda división co conxunto lucense. E por último, Arturo Veiga, de Grupo Recense, patrocinador oficial do Sporting Pontenova, foi quen lle entregou o trofeo ó terceiro clasificado.

Despois do éxito que supuxo a primeira edición deste torneo, esperamos que o vindeiro ano poida ser aínda mellor e volver a encher o Campo da Mina coa presencia de grandes equipos. De parte do Sporting Pontenova, moitas gracias a tódolos asistentes.

Bruno Bouza volve ó Sporting para reforzar o primeiro equipo

2011-08-12T17:38:00.002+02:00

Bruno Bouza, procendente do Real Tapia, da primeira categoría rexional asturiana, será a última incorporación do equipo que dirixe Dani Moirón. Este xoven xogador, que fai unha tempada militara nos xuvenís do Sporting Pontenova, volve para axudar ó equipo no seu obxectivo de acadar a permanencia.

Desenvólvese principalmente como central e destaca polo seu poderío aéreo e pola gran seguridade defensiva que aporta no eixo da zaga.
Con esta fichaxe, salvo sorpresas, Moirón da a plantilla por cerrada con 21 xogadores.

I Trofeo Concello de A Pontenova

2011-07-25T21:04:00.001+02:00

Luismi e Bruno Bouza están preto de regresar ó Sporting Pontenova

2011-07-10T13:17:00.000+02:00

O Sporting Pontenova segue fiel á súa filosofía de traballo con xente da casa e “sen pagar”, segundo o seu adestrador, Dani Moirón.

O conxunto gualdinegro comezará a adestrar o día 2 de agosto coa única cara nova de Sergio Arango, procedente do equipo xuveníl pontenovés. A directiva do conxunto da Mina está en conversas para recuperar para o equipo ó centrocampista Luismi e ó central Bruno Bouza, que xa estiveran no equipo nunha etapa anterior.

A escadra dos fornos contará coas únicas baixas de Gene e Carlitos por motivos persoais.

Dani Moirón márcase como obxectivo non pasar apuros e vé como principais aspirantes para competir polo ascenso a Primeira Autonómica a Sacido e Rioaveso e ós descendidos Iberia, Folgueiro e Santaballés.

Fonte: www.futbollucense.com

Premios de "El Progreso"

2011-07-04T23:10:00.002+02:00

A pasada semana o diario "El Progreso" entregou os premios ós mellores da temporada no fútbol aficionado lucense, e o Sporting Pontenova estivo representado por partida doble.

Por un lado, Catalin obtivo o recoñecemento como un dos mellores dianteiros do ano formando parte do once ideal da temporada da categoría xuvenil.

Por outro lado, Dani Moirón foi proclamado "Adestrador máis destacado da 2ª Autonómica".

Noraboa ós dous!

Aut. Xuvenil: Sergio Arango, mellor centrocampista e integrante do once ideal da temporada

2011-06-02T19:14:00.002+02:00

Engadimos outra foto da entrega dos Premios Lider 2011, nos que o xogador do Sporting Pontenova xuvenil Sergio Arango foi galardonador como mellor centrocampista e como integrante do once ideal da categoría, como podedes ver na imaxe. Outros dos integrantes do plantel sportinguista, Catalin, quedouse ás portas do premio.

Resultados

2011-05-21T15:28:00.002+02:00

COPA ÉLIDE XUVENIL

Aut. Xuvenil: Sergio Arango, premiado como mellor centrocampista xuvenil na gala dos Premios Líder

2011-05-20T19:20:00.004+02:00

O capitán do Sporting Pontenova xuvenil, Sergio Arango, foi galardonado o pasado luns como "Mellor Centrocampista Xuvenil" na Gala de entrega dos Premios Líder, que concede anualmente o diario "La Voz de Galicia" e que premia ós mellores xogadores do fútbol base lucense. Arango, que cumple a 6ª temporada no conxunto gualdinegro, converteuse case dende o primeiro momento no auténtico xefe da medular sportinguista, cun gran número de partidos ás costas e con dúas participacións na fase de ascenso á Liga Galega. Nesta temporada, a súa derradeira como xuvenil, tivo tamén a honra de capitanear ós pontenoveses nun ano difícil logo da marcha de varios dos puntais de anos anteriores.

Na celebración do pasado luns estiveron presentes xogadores da talla de Antonio Tomás e o lucense Pablo Álvarez, integrantes do Deportivo da Coruña, e o seu compañeiro e un dos futbolistas españois con máis talento dos últimos anos, Juan Carlos Valerón. O xogador pontenovés , como vemos na imaxe, recibíu o seu galardón de mans do presidente do C.D. Lugo, José Bouso. Outro xogador da plantilla do Sporting, Catalin, quedouse ás portas do premio ó mellor dianteiro da categoría, pero a bon seguro que volverá a optar ó mesmo nos próximos anos.

Copa Diputación: O Mondoñedo vence na Mina e deixa ó Sporting fóra na segunda ronda

2011-05-18T19:03:00.000+02:00

Acabou o soño da Copa Diputación. Parecía que este podía ser o ano no que os pontenoveses fixesen algo grande nesta competición, pois o sorteo do cadro resultara máis favorable que nunca e varios dos equipos fortes xa se quedaran fóra, polo que plantarse nas últimas rondas parecía asequible. E máis aínda cando o rival nesta eliminatoria a partido único era o Mondoñedo, último clasificado da recén rematada Liga. Pero dende o primeiro minuto demostrouse que non iba ser tan fácil como "a priori" se podía esperar. Os mindonienses, un equipo veterano e con moito oficio, plantaron cara dende o inicio e demostraron que, despois de eliminar ó Alfoz, agora iban a polos pontenoveses.

Aínda así nos primeiros minutos non se definía un claro dominador. A maior velocidade do ataque sportinguista estaba a poñer en apuros á zaga do Mondoñedo, pero eles tamén levaron perigo á meta de Marco comandados por un gran Noly, que volveu a deixar mostras da súa espectacular calidade noutro dos seus retornos á Mina. Mediado o primeiro tempo inaugurouse o marcador, e foron os locais os encargados de estrenalo. Nun saque de esquina e logo dun rechace, o balón cae no borde da área donde aparece Javi para enganchar unha volea que se cola no marco mindoniense entre varios xogadores. Encarrilaban o partido os de Moirón, seguindo un guión moi parecido ó do partido de Liga pero sen un dominio tan claro como naquel encontro. Pero non souperon administrar ben esa ventaxa e antes do descanso, nun despiste da defensa, un dianteiro do Mondoñedo plántase só diante de Marco e báteo cunha gran vaselina ante a que nada pode facer. Así se chegou ó descanso, coas cousas nada claras.

Na reanudación, o Sporting parecía que non lle daba collido o pulso ó partido e, aunque gozou de algunha ocasión, parecía máis cercana a remontada dos visitantes. E de tanto buscala, acabou chegando. Foi nun córner no que a defensa pontenovesa non deu despexado o balón e acabou caendo nos pés dun xogador mindoniese, que non tivo máis que fusilar a Marco poñendo o 1-2 no marcador e complicando moito as cousas para os gualdinegros. Estaba mediado o segundo tempo e, aínda cos cambios que se produciron, os locais non souperon reaccionar e non foron capaces nin sequera de forzar a prórroga, a pesar do arreón final que o Mondoñedo frenou con moito oficio conservando ese resultado que lles daba o pase. E así rematou a temporada para o Sporting Pontenova.

Agora o turno é para o equipo xuvenil, que logo de caer na Mina por 2-3 na ida da súa eliminatoria ante o Pastoricense, disputarán a volta o sábado ás 11.30 no campo do Acebreiro.

Copa Élide Xuvenil: Complícase o pase logo de caer na Mina ante o Pastoricense

2011-05-18T17:13:00.000+02:00

Arrancaba o Sporting como local a 2ª ronda da Copa Élide ante un dos fortes da Liga, o Pastoricense. Pero os de Moirón non deixaron que a diferencia na táboa se reflexase no céspede, e dende o primeiro momento buscaron controlar o partido. Estaban mellor plantados os locais e mediado o primeiro tempo chegou a mellor oportunidade para inaugurar o marcador, un penalti que Catalin mandou ó pau desperdiciando a ocasión para adiantarse. E con 0-0 chegouse ó descanso.

No segundo tempo os pontenoveses seguiron dominando e puxéronse cunha cómoda ventaxa gracias a un gol de Catalin e a outro dun xogador do Pastoricense en propia porta, deixando o partido cun 2-0 que parecía sentencialo. Pero os visitantes non se viñeron abaixo e, con garra e algo de fortuna déronlle a volta ó marcador ata deixalo nun 2-3 que lles complica moito as cousas ós de Moirón para o partido de volta, que se disputará o próximo sábado ás 11.30 da mañá no campo do Acebreiro.

Resultados

2011-05-17T22:54:00.003+02:00

COPA ÉLIDE XUVENIL

Resultados

2011-05-14T20:20:00.000+02:00

COPA DIPUTACIÓN, 2ª AUT.

As copas pasan pola Mina

2011-05-11T19:43:00.001+02:00

Copa Diputación: Nova remontada en Meira e á segunda ronda pola porta grande

2011-05-11T17:14:00.001+02:00

Nunha gran segunda parte, o Sporting Pontenova volveu a remontar no campo da Lomba para certificar o seu pase ós dezaseisavos de final da Copa Diputación. Foi nun partido no que o Meira conseguiu chegar cunha mínima ventaxa ó descanso, pero unha gran segunda parte dos de Moirón propiciou que o partido rematase cun 2-3 para os visitantes. O gran protagonista, un meirense: Hugo Leivas, que firmou o 1-1 e o 1-2 para os pontenoveses. O gol definitivo foi obra de Javín, que certificou o pase e a victoria preto do final do partido.

Comezou o encontro cos locais controlando, cun Sporting que parecía dubitativo en defensa. Un enorme Marco, que volveu a ocupar o marco pontenovés, evitou con varias intervencións de mérito que o Meira se adiantase no marcador. Os de Moirón, conscientes de que un gol en contra os deixaba fóra, intentaron irse arriba e gozaron de algunha oportunidade, pero non estiveron nada acertados nos últimos metros. Pola contra, mediado o primeiro tempo, o Meira conseguiu adiantarse logo dun despiste en cadena da zaga pontenovesa, nun balón que roubou un dianteiro local batindo a Marco por alto cun gran disparo. Puido caer o segundo poucos minutos despois, pero o xogador meirense non conseguiu empuxar o balón a gol dende a misma línea gracias á rapidez de Villy, que chegou ó balón no momento xusto cando xa se estaba celebrando o 2-0. Con esa mínima ventaxa local chegouse ó descanso, e de momento era o Meira o equipo clasificado.

Pero no segundo tempo cambiaron as tornas. Dende o primeiro momento os pontenoveses demostraron que iban a polo partido. Nunha falta moi cerca da área chegou o empate. O encargado de executala foi todo un especialista, Leivas, que enviou o balón ó fondo da rede cun disparo forte e seco que se colou por baixo polo centro da portería sen que o meta local puidese facer nada por evitalo. Con ese resultado o Sporting estaba na seguinte ronda, pero non se conformou e buscou o segundo dende ese mismo instante. E non tardou moito en chegar, co mesmo protagonista. Balón que recibe Hugo Leivas a 25 metros da portería, o esférico queda botando e engancha un disparo cruzado perfecto que se cola pola escadra meirense. Golazo temendo para subir o 1-2 ó marcador. Estallaban de alegría os pontenoveses, que agora sí vian o pase moi cercano, pois terían que recibir outros 3 goles para quedar fóra. Entón o Meira, vendo a necesidade, volcouse sobre a meta de Marco e conseguiu empatar minutos despois. Quedaba pouco tempo e a eliminatoria parecía decidida, pero os cambios de Moirón déronlle ó equipo frescura arriba e pronto volveron á carga con Javín como punta de lanza. A punto estivo de conseguir o gol da tarde cun disparo dende o mediocampo que case sorprende ó porteiro, moi adiantado. Pero minutos despois non perdonou. Recibiu un balón fóra da área, e despois de desfacerse de todo canto defensa lle saía ó paso, plantouse só diante do porteiro definindo á perfección cun tiro cruzado, poñendo o 2-3 definitivo cun gran gol que certificou a victoria e o pase do Sporting.

Agora, en dezaseisavos de final, chega o Mondoñedo, colista da recén rematada Liga e que ven de eliminar ó Alfoz na ronda anterior. Esta eliminatoria disputaráse a partido único, e o azar nesta ocasión favoreceu ó Sporting e disputaráse o próximo sábado ás 6 da tarde no Campo da Mina..

Copa Élide Xuvenil: O Sporting supera ó Lourenzá na Mina e accede á segunda ronda

2011-05-11T14:39:00.000+02:00

O Sporting Pontenova vaise enfrontar ó Pastoricense, flamante campión de Liga, na segunda ronda da Copa Élide logo de deixar na cuneta ó Lourenzá nunha eliminatoria disputada na Mina a partido único. Foi o pasado sábado, nun partido dominado completamente polos pontenoveses que acabou cun 3-1 para os de Moirón. O protagonista do partido foi Iván, que firmou un doblete que completou Catalin co seu 21º gol da temporada. A segunda ronda comezará o próximo martes, día das Letras Galegas, ás 5 da tarde co partido de ida ante o Pastoricense, tamén na Mina.

Resultados

2011-05-08T22:20:00.001+02:00

COPA DIPUTACIÓN, 2ª AUT.

Resultados

2011-05-07T13:59:00.001+02:00

COPA ÉLIDE XUVENIL

Copa Diputación: O Sporting rompe o maleficio das festas coa remontada na Copa ante o Meira

2011-05-04T23:34:00.001+02:00

Facía xa 7 anos que o Sporting Pontenova non gañaba un partido celebrado nunhas festas, xa fose nas da Troita ou nas Feiras de Outubro. Pero como tódalas rachas están para romperse, esta ocasión foi diferente. Visitaba A Mina o Meira para disputar a ida da primeira ronda da Copa Diputación, nun partido que se preveía de gran rivalidade polos dous contendentes e polo bo ambiente que sempre presenta o feudo pontenovés cando coincide nestas datas. E o encontro non defraudou para nada. Os de Moirón pronto se situaron como os dominadores do xogo, pero sen claridade en ataque.
Pola contra, o Meira non disfrutou de moitas ocasións, e as que dispuxo foron moi ben respondidas por un gran Marco, que ocupou a meta pontenovesa o pasado sábado. Aínda así foron os visitantes os encargados de adiantarse mediado o primeiro tempo, nunha xogada que parte dun centro dende a banda esquerda que non é capaz de rexeitar a zaga gualdinegra, caendo o balón de novo nun xogador meirense que volve a meter o balón na área pequena para que alí apareza un dianteiro para subir o 0-1 ó marcador. Non lle perdeu a cara o partido o Sporting, pero no primeiro tempo non puido conseguir a igualada e así se marcharon ós vestiarios.

A segunda parte comezou cos locais moi enchufados e con ganas de darlle unha alegría ó gran número de aficionados presentes na Mina. E pronto esas ganas se traduciron en feitos. As primeiras oportunidades non tardaron en chegar, e foi nun córner donde chegou o empate. Saque raso dende a dereita cara a Lolo que, situado no borde da área, solta un dereitazo que rebota contra varios xogadores rivais, pero o rexeite cázao Javi batindo a bocaxarro ó porteiro meirense. 1-1 e moitos minutos aínda por diante. Ese gol deulles alas ós pontenoveses, que se volcaron na búsqueda do tanto da victoria e fixéronse donos definitivos do partido. Pero a pesar do dominio o tanto parecía resistirse, e xa no desconto, cando se daba o empate por feito, unha gran xogada de Maqueto pola banda dereita acaba cun centro á área pequena dónde aparece Rañón para fusilar a meta do Meira dándolle a volta ó marcador. Estallaba de alegría a afición pontenovesa, conscientes de que esa lixeira ventaxa será un punto a favor no partido de volta do próximo fin de semana na Lomba. E non houbo tempo para máis.

Como decíamos, o Sporting terá que devolverlle a visita ós de Meira esta fin de semana, no partido que decidirá quen avanza á seguinte ronda para enfrontarse ó gañador da eliminatoria Mondoñedo - Alfoz. En breves informaremos da data e hora definitiva.

Aut. Xuvenil: O Sporting remata a Liga empatando na Mina ante o Viveiro "B"

2011-05-04T21:26:00.001+02:00

O Sporting Pontenova xuvenil rematou o pasado sábado a competición regular, firmando un satisfactorio 9º posto na táboa. O último partido disputouse na mañá do pasado sábado, en plena celebración da Festa da Troita, pero os de Moirón non o acusaron e empataron 2-2 ante un bo equipo como o Viveiro "B". Os goles dos pontenoveses foron obra de Anxo e do máximo goleador do equipo con 20 goles, Catalin.

Despos de dar a Liga por finalizada, comeza como cada ano a Copa Élide. E comeza xa, o próximo sábado. O rival na primeira eliminatoria será o Lourenzá, que visitará A Mina para medirse ós pontenoveses nun enfrontamento que se decidirá a partido único. A cita, en horario matinal, ás 11.30.

Resultados

2011-05-01T23:56:00.001+02:00

COPA DIPUTACIÓN, 2ª AUT.

Resultados

2011-05-01T23:54:00.001+02:00

1ª AUT. XUVENIL, GRUPO 7

Vota a Arango e Catalin nos premios Líder da Voz de Galicia

2011-04-26T20:24:00.006+02:00

Os xogadores do Sporting Pontenova xuvenil Sergio Arango e Catalin Dragomir están nominados, como mellor centrocampista e mellor dianteiro respectivamente, para os premios Líder que concede cada final de temporada o suplemento deportivo co mesmo nome que forma parte do xornal "La Voz de Galicia". Este galardón premia cada ano ós mellores do fútbol base lucense, e a temporada pasada xa resultaron premiados dous integrantes do conxunto pontenovés: Dani Moirón como mellor adestrador e Matelo como integrante do once ideal da temporada. Aínda quedan días para votar, e podes facelo facendo click na foto de cada xogador. Moitas gracias pola túa colaboración!

Catalin

Sergio Arango

Sábado de fútbol na Mina

2011-04-26T20:19:00.000+02:00

2ª Autonómica: O Sporting remata a Liga no 11º posto logo de vencer ó Mondoñedo e empatar en Alfoz

2011-04-19T21:25:00.003+02:00

Acabouse a Liga para o Sporting Pontenova, e acabou coa satisfacción de ter conseguido o obxetivo para o que fora planteada a temporada, a permanencia. A 2011/2012 será, pois, a terceira consecutiva dos gualdinegros en 2ª Autonómica.

Os dous últimos partidos da competición saldáronse cunha victoria e cun empate. A victoria chegou ante o Mondoñedo na Mina, o pasado 9 de Abril. Foi nun partido no que os de Moirón infrinxiron un dominio case insultante ante os mindonienses, con preto de 20 ocasións de gol, pero que acabou decidindo un solitario tanto de Puente preto do descanso. O marcador non se moveu e significou o descenso matemático do equipo da cidade diocesana.

E a última xornada disputouse o pasado sábado, en Alfoz, ante un equipo que só necesitaba un punto para acompañar ó Xermade no ascenso á 1ª Autonómica. E ese foi o resultado final que reflexou o tanteador, un 2-2 que deixaba contentos ós dous equipos. Os locais conseguiron adiantarse e puxeron terra de por medio co 2-0, pero na segunda parte os de Moirón reaccionaron e conseguiron empatar con un gol en propia meta e co definitivo tanto de Fran, o que o confirmou como o máximo goleador do equipo na Liga. Con este empate, os pontenoveses rematan a Liga no posto 11º con 36 puntos, por riba de Mondoñedo, Roupar (os dous descendidos), Pol, Bonxe e Meira.

Agora, logo dunha semana de descanso, chega a Copa Diputación, donde o rival será o Meira. A ida será na Mina, o día da Festa da Troita (30 de Abril) ás 6 da tarde.

Aut. Xuvenil: Dúas victorias consecutivas para alonxarse definitivamente dos últimos postos

2011-04-19T21:13:00.000+02:00

Un gran Sporting firmou dúas victorias nos últimos dous encontros, o primeiro a mañá do sábado 9 de Abril na Mina e o segundo o pasado sábado en Alfoz. O partido disputado fai dúas xornadas foi ante o Xove Lago no feudo pontenovés, e os de Moirón recibían ao penúltimo da táboa coa intención de seguir coa boa xeira iniciada ante o Iberia. E así foi, pois os gualdinegros impuxéronse por 2-0 con goles de Paulo e Picota, un en cada tempo. E a terceira victoria consecutiva chegou o pasado sábado en Alfoz, xusto despois do partido do primeiro equipo. Foi por un axustado 1-2, nun partido no que Catalin firmou o seu 19º gol da Liga e Arango cerrou o partido cun golazo dende fóra da área que se colou por toda a escadra.

Agora só lles queda por disputar a última xornada da Liga, que será ante o Viveiro "B" na Mina, o fin de semana da Festa da Troita. E será xa coa tranquilidade de ter unha plaza asegurada entre os 10 primeiros clasificados.

Resultados

2011-04-17T23:01:00.000+02:00

1ª AUT. XUVENIL, GRUPO 7

Resultados

2011-04-16T20:36:00.000+02:00

2ª AUTONÓMICA, GRUPO 6

Resultados

2011-04-11T00:30:00.003+02:00

2ª AUTONÓMICA, GRUPO 6

Resultados

2011-04-09T16:08:00.001+02:00

1ª AUT. XUVENIL, GRUPO 7

Sábado de fútbol na Mina

2011-04-08T16:11:00.002+02:00

2ª Autonómica: Dulce derrota en Barreiros

2011-04-05T21:14:00.000+02:00

Chegaba o Sporting a Barreiros coa intención de lograr unha victoria que lles permitise subir algún posto e o máis importante, deixar a salvación asegurada. Pero aínda que caeu por 1-0, o segundo obxetivo conseguiuse. Despois dunha moi dura temporada, os de Moirón poden decir por fin que o próximo ano volverán a competir na Segunda Autonómica, algo que non parecía moi claro fai uns meses. E foi gracias ós resultados da xornada, porque o Sporting non foi capaz de vencer ó Celta Barreiros nun partido no que foi superior en moitas fases, pero non estivo acertado de cara a porta e acabou cedendo por culpa dun gol mediado o segundo tempo.

Aut. Xuvenil: O Sporting volve á senda da victoria logo de catro derrotas consecutivas

2011-04-05T21:07:00.000+02:00

Por fin conseguiu o Sporting Pontenova xuvenil escapar da mala racha na que estaba metido, despois de sufrir 4 derrotas de maneira consecutiva. E foi o pasado sábado, ante o Iberia, un rival co que estaba empatado a puntos e que deixa xa por detrás na táboa. O gran protagonista do partido foi Catalin, que firmou os 3 goles dos de Moirón. Ó descanso chegouse con 2-1 para os locais, o primeiro gol de penalti e o segundo pouco despois de que o Iberia acadase o empate. No segundo tempo chegou a sentencia con outro gol dende o punto fatídico, que significou o hat-trick do dianteiro pontenovés. Estes 3 puntos deixan ó Sporting no 9º posto da táboa, nunha posición moi tranquila a falta de 9 puntos en xogo.

Resultados

2011-04-03T21:30:00.002+02:00

2ª AUTONÓMICA, GRUPO 6

Resultados

2011-04-03T15:40:00.002+02:00

1ª AUT. XUVENIL, GRUPO 7

2ª Autonómica: O Riaveso acaba de forma contundente coa racha de 5 victorias seguidas do Sporting

2011-03-30T19:16:00.000+02:00

6 partidos levaban os de Moirón sen coñecer a derrota, dos cales os 5 últimos foran todos victorias, e co mérito engadido de non recibir goles nestes encontros. Pero as baixas en defensa fixéronse notar demasiado o pasado domingo na visita do Rioaveso, 4º clasificado, que saíu victorioso da Mina con un contundente 2-4, aínda que no segundo tempo os locais tiveron momentos de semellar que podían sacar un resultado positivo, logo de poñerse primeiro 1-2 co gol de Maketo de penalti minutos despois co 2-3 de Catalin. Pero os chairegos puxeron terra de por medio co 2-4 e os pontenoveses xa non puideron facer fronte a esa diferencia. Con esta derrota, o Sporting baixa dous postos pero queda nunha posición moi tranquila da táboa, a 7 puntos das posicións de perigo a falta de 9 por xogarse.

Aut. Xuvenil: Un bo Sporting deixa escapar un punto ante o líder nos últimos minutos

2011-03-30T19:04:00.000+02:00

Chegaban os de Moirón a Pastoriza para enfrontarse ó líder, e despois de 3 derrotas seguidas, non parecía o campo máis propicio para acabar con esa racha negativa. Pero os pontenoveses deron a cara en todo momento e a punto estiveron de dar a sorpresa no campo do Acebreiro, que viu en moitas fases do partido como os visitantes se podían adiantar no marcador. Pero unha xogada desafortunada cando o partido parecía abocado ó 0-0 acabou co gol do Pastoricense que á postre significaría a victoria, deixando ó Sporting empatado a puntos co antepenúltimo clasificado.

Resultados

2011-03-27T19:56:00.001+02:00

2ª AUTONÓMICA, GRUPO 6

Resultados

2011-03-26T20:30:00.002+01:00

1ª AUT. XUVENIL, GRUPO 7

2ª Autonómica: Sporting Pontenova - S.D. Rioaveso

2011-03-24T14:53:00.000+01:00

2ª Autonómica: Un Sporting lanzado vence pola mínima en Roupar e suma o seu 5º triunfo seguido

2011-03-22T19:11:00.001+01:00

O mellor momento da temporada para o Sporting Pontenova confirmouse coa 6ª xornada consecutiva sen perder e co 5º triunfo consecutivo, o último o pasado sábado no campo do Roupar. Foi un partido no que os pontenoveses foron superiores no global do encontro, pero que se decidiu por un gol de Puente xusto antes de chegar ó descanso logo dun grave erro do porteiro local. No segundo tempo os de Moirón seguiron controlando, pero as cousas complicáronse nos minutos finais logo das expulsións dos dous centrales, Manu e Lolo, que se perderán a vindeira xornada. Minutos antes tamén vira a vermella un xogador do Roupar. Aínda así, os gualdinegros aguantaron e fixéronse cunha importante victoria que deixa a permanencia case sentenciada, situándose a a 10 puntos do descenso directo e a 7 dos postos con perigo de arrastres, a falta de 4 xornadas e 12 puntos en xogo. O seguinte rival será o Rioaveso, que visitará A Mina o domingo ás 17.30 da tarde.

Aut. Xuvenil: Victoria do Sagrado Corazón na Mina, a 3ª derrota consecutiva do Sporting

2011-03-22T18:52:00.003+01:00

Presentábase o Sagrado Corazón, 4º clasificado, o pasado sábado na Mina en horario matinal, debido ó compromiso do equipo sénior o mesmo día pola tarde. Volvía o equipo capitalino a un campo que non se lle daba nada ben nos últimos anos, pero esta vez era un novo Sporting o que iba ter enfronte, un equipo con aspiracións non tan altas como no pasado. E iso aproveitárno os blanquiazuis para levarse 3 puntos da Mina e seguir así loitando polo campionato de liga, nunha pelexa na que están implicados ata 5 equipos. Foi nun partido no que se mostraron superiores diante dun conxunto pontenovés que acusou as importantes baixas de Arango e Catalin, e acabou cedendo por 0-2. Este resultado deixa ós de Moirón no posto 11º, aínda que a pouca distancia da zona tranquila da clasificación. O seguinte compromiso será o vindeiro sábado no campo do Acebreiro, en Pastoriza, ante o líder da categoría.

Resultados

2011-03-19T18:30:00.000+01:00

2ª AUTONÓMICA, GRUPO 6

Resultados

2011-03-19T18:29:00.002+01:00

1ª AUT. XUVENIL, GRUPO 7

2ª Autonómica: A permanencia, máis cerca logo de volver a gañar na Mina despois de 5 meses

2011-03-16T19:00:00.005+01:00

O Galdo fora o último equipo en saír derrotado da Mina, por 3-1 o pasado 24 de Outubro. Houbo que esperar case medio ano para volver a conseguir os 3 puntos como local, e produciuse no tramo máis importante da temporada e cando mellor forma están a demostrar os de Moirón. Foi o pasado domingo ante o Bonxe, nun partido moi complicado que non se resolveu ata os últimos 10 minutos, donde os goles de Jorge e do xuvenil Catalin firmaron un 2-0 que deixa ó Sporting a 8 puntos precisamente do Bonxe, conxunto que ocupa a última plaza de descenso. O Roupar e o Pol, equipos en perigo polo descenso en cascada, quedan xa a 7 dos pontenoveses.

Era o momento de trasladar o bo momento de forma a domicilio do Sporting ós partidos na Mina. O Galdo fora o último en irse de vacío do feudo pontenovés, pero desde eso xa pasara case medio ano, polo que, no momento máis importante da temporada, os de Moirón necesitaban romper urxentemente esa racha. E o Bonxe parecía un rival propicio, pois de gañarlles quedarían xa 8 puntos por debaixo, marcando o límite cos postos de descenso. Pero nos primeiros minutos parecían mais enchufados os visitantes. Os pontenoveses non semelleaban collerlle o ritmo ó partido e as ocasións non daban chegado. Pola contra, a portería de Xoel pasou algúns apuros máis dos previstos. Pero un disparo ó poste de Javín pareceu despertar ós locais. Nas bandas, un Puente que foi de máis a menos e un Fran que tivo a ocasión máis importante do primeiro tempo, tamén foron un incordio para a zaga do Bonxe. O descanso acercábase, e cando parecía que se iba chegar con empate, un pase en profundidade de Rañón deixa a Fran só diante do porteiro, con Javín a uns metros libre de marca para empuxar o balón ó fondo das redes. Pero o extremo pontenovés tarda demasiado en decidir e o meta visitante bótaselle encima desperdiciando a mellor ocasión para adiantarse, polo que se chegou ó intermedio co resultado inicial.
O segundo tempo comezaba con sensacións similares ás do primeiro. Parecía que os visitantes tiñan o partido máis controlado, pero cos cambios e co paso dos minutos os de Moirón fóronse facendo donos do balón, manexados sobre todo por un Rañón que firmou un auténtico partidazo na mediapunta. Entrou Jorge por Puente e, aínda que tardou en entrar en xogo, pronto foi un perigo para o Bonxe pola banda dereita. Pasaban os minutos e as oportunidades non daban chegado, e incluso os aficionados presentes na Mina se resignaban e asimilaban que o partido conducía a un 0-0 que parecía inevitable. Pero, a falta de 10 minutos, cambiou todo. Javín, pouco acertado cara a porta, deixou o seu sitio a Catalin. Pouco despois, Fran recibe un balón pegado á banda esquerda, en tres cuartos de campo, e saca un centro ó segundo pau que semellaba moi pasado, pero alí aparece Jorge para, sen deixala caer, colocar o balón no fondo da rede inaugurando o marcador cunha gran volea que entra polo pau corto. Co partido encarrilado, e a falta de poucos minutos, seguiu o carrusel de cambios coa entrada de Otto e Arango. Este último sería un dos protagonistas do gol da sentencia. Un pase seu en profundidade deixa só a Catalin diante do porteiro, ó que regatea de maneira xenial para poñer a placer o 2-0 definitivo. Non houbo tempo para máis, e o Sporting volveu a vencer na Mina 5 meses despois.
Con este victoria, os de Moirón deixan os postos de descenso xa a 8 puntos de distancia. Pol e Roupar ocupan os lugares ameazados polos descensos en cascada, pero quedan tamén a 7 puntos, polo que os pontenoveses están nunha posición relativamente tranquila. O partido da próxima xornada será igual de importante, pois visitarán a un dos equipos que están na mesma loita, o Roupar. No caso dunha victoria a permanencia quedará prácticamente sentenciada a falta de 5 partidos. Será o vindeiro sábado, ás 16:30 no Campo Novo da localidade chairega.

Consulta aquí a clasificación.

Aut. Xuvenil: Derrota en Cospeito nun partido marcado polas baixas

2011-03-14T21:19:00.000+01:00

Presentábase o Sporting xuvenil a mañá do sábado en Cospeito cun equipo de circunstancias, marcado polas baixas de xogadores importantes como Picota, Arango, Anxo ou Camiño. Foi por isto polo que, de maneira extraordinaria, o porteiro Marco tivo que actuar no centro do campo para axudar a compoñer un once de garantías. O Cospeito estaba situado só dous puntos por debaixo dos pontenoveses, polo que despois da victoria por 2-0 colócase por diante dos de Moirón, deixando ó Sporting na zona media-baixa da táboa pero con un importante colchón de puntos respecto ós dous últimos. O próximo sábado, no seguinte compromiso, visitará A Mina un dos "gallitos" da categoría, o Sagrado Corazón.

Resultados

2011-03-13T18:45:00.000+01:00

2ª AUTONÓMICA, GRUPO 6

Resultados

2011-03-12T22:17:00.002+01:00

1ª AUT. XUVENIL, GRUPO 7

2ª Autonómica: Sporting Pontenova - Bonxe F.C.

2011-03-10T19:50:00.002+01:00

2ª Autonómica: 3 puntos que poden valer unha permanencia

2011-03-09T22:59:00.002+01:00

Paso de xigante do Sporting Pontenova o pasado domingo ante o Pol, nun partido disputado en Bretoña. Os gualdinegros tiñan unha oportunidade inmellorable para escapar dos postos perigosos e, de paso, afundir un pouco máis neles ó equipo de Miranda. Resolveu Javín ó principio da segunda parte cun gol que resultaría definitivo, e que deixa ós de Moirón 5 puntos por riba do descenso e a só 3 do Meira, 9º clasificado.

O partido máis importante da temporada, ata o momento, disputouse o pasado domingo en Bretoña. O rival era o Pol de Miranda, que se atopaba só un punto por debaixo do Sporting e que, despois de vencer por un contundente 1-5 na Mina, chegaba a este partido convencido de repetir a machada. Pero xa non é o mismo Sporting, pois os de Moirón viñan firmando unha gran segunda volta e non perdían dende a visita ó líder Xermade. Pero comezaron mellor os locais, poñendo en apuros a César nun par de ocasións importantes protagonizadas por dous ex-sportinguistas, Turbo e Diego Lamas. Nunha delas o pau encargouse de evitar o gol vermello, e noutra foi o meta pontenovés, cunha parada espectacular, quen evitou que se adiantasen os da casa. Non estaba fina como en outras ocasións a defensa gualdinegra, e o equipo estábao notando concedendo máis oportunidades que de costumbre. En ataque, Rañón, que firmou un gran partido, estaba sendo un dos protagonistas demostrando calidade na mediapunta, flanqueado por Fran e Puente nas bandas, moi activos os dous, e por Javín na punta de ataque, ó que non lle chegaron moitos balóns neste primeiro tempo. Co paso dos minutos parecía que os de Moirón iban atopando o seu sitio no campo, pero o marcador non se moveu nos primeiros 45 minutos.
No segundo tempo a intensidade subiu dende o pitido inicial. Ambos conxuntos, dada a súa posición na táboa, necesitaban os puntos como o comer, e a dureza no terreo de xogo foi medrando co paso dos minutos. Pero a maior calidade dos gualdinegros saíu a relucir a pesar do estado do céspede, e as ocasións empezaron a aparecer rápidamente. Avisou Rañón cunha ocasión que desperdiciou logo dun pase da morte ó punto de penalti, enviado o balón alto cando xa se cantaba o gol. Despois foi Javín que enviou o balón demasiado cruzado estando só diante do porteiro. E de novo este último, nunha xogada calcada á anterior, volveuse a plantar totalmente só ante o meta. Pero nesta non fallou, e volveu a definir cun disparo cruzado que se colou cerca do pau da portería do Pol. Facíase xustiza en Bretoña e adiantábase o Sporting, que con ese resultado acercábase moito máis ó obxetivo da permanencia. Iban 15 minutos da segunda parte, e agora tocáballe ó Pol coller o control do esférico, pero os pontenoveses non llelo ían poñer nada fácil. Puente puido sentenciar o choque, pero o seu control foiselle largo cando se dirixía a encarar ó porteiro. Antes de ser sustituído volveu a ser protagonista, esta vez por ser víctima dunha clarísima agresión ante a que o árbitro, moi discutido na tarde do domingo, fixo a vista gorda. No último tramo de partido os de Miranda intentárono, pero a defensa gualdinegra recuperou a sobriedade perdida na primeira parte e conseguiu manter de novo, por terceira xornada consecutiva, a portería a 0, pois o marcador non se moveu e rematou coa victoria por 0-1 gracias ó gol de Javín.
Con esta victoria, o Sporting enlaza 3 triunfos nas últimas 3 xornadas, todos eles de visitante, o que lle permite alonxarse a 5 puntos dos postos de descenso e a 4 do Pol, o que marca o límite para estar tranquilos ante posibles arrastres. Por arriba, o Celta Barreiros e o Cospeito están a só un punto, e o Meira, 9º clasificado, atópase a 3. O próximo domingo terá un novo examen da súa asignatura pendiente, a Mina, donde leva 5 meses sen gañar. Será ante o Bonxe, penúltimo da táboa, ás 4 e media da tarde.

Aut. Xuvenil: O entroido non lle senta ben ó Sporting, con 2 derrotas en 2 encontros

2011-03-09T20:12:00.002+01:00

Non foi boa época o carnaval para os xuveniles do Sporting. Disputaron dous partidos, o sábado contra o Pol e o martes contra o Alfoz, ambos na Mina. No primeiro caeron por un contundente 0-4, nun partido controlado totalmente polo rival, que chegaba á Mina nas últimas posicións na táboa. No partido do martes o resultado foi máis apretado, 1-2 para o Alfoz, nun choque no que o Sporting tivo ocasións para empatar no tramo final.

O sábado chegaba a Mina o Pol, un dos equipos chamados a estar nas últimas posicións da competición. Pero presentouse na Mina covencido de levarse o partido e volveuno a conseguir, como xa fixera na ida. O Sporting non demostrou o seu verdadeiro nivel e viuse superado por un rival que, a pesar de tardar en abrir a lata, foi superior durante os 90 minutos. O primeiro tanto do Pol chegou na recta final do primeiro tempo, e foi cun saque directo de falta que se colou pola escadra da portería de Noel de maneira imparable. Na segunda parte chegaron os outros 3 goles visitantes, completando a goleada por 0-4 que deixaba ós de Moirón tocados para o partido do martes.
O rival no seguinte encontro era o Alfoz, equipo da zona media-alta. E a actitude neste partido foi diferente, plantando cara ó rival en todo momento. Volvía Marco a ocupar a portería do Sporting logo de cumplir 5 partidos de sanción, pero non puido celebralo con victoria. Mediado o primeiro tempo foi o Alfoz o encargado de abrir o marcador, pero os pontenoveses non se viñeron abaixo e buscaron o empate dende ese mismo momento, aínda que sen fortuna. Ó comezo da segunda parte as cousas puxéronse aínda máis difíciles co segundo gol do Alfoz, que deixaba o partido case sentenciado. Pero un gol de Catalin de penalti a falta de poucos minutos revolucionou o partido e a partir dese momento o Sporting volcouse sobre a meta alfocense, gozando de numerosas oportunidades para conseguir o empate. Pero os minutos fóronse consumindo e o partido finalizou co 1-2.
Logo destas dúas derrotas, os gualdinegros continuan nunha posición bastante tranquila, lonxe dos últimos postos, que era o obxetivo nesta campaña, pero tamén lexos da cabeza. O seguinte encontro será o próximo sábado, ás 11:30 no campo da Fonte en Cospeito.

Resultados

2011-03-08T19:47:00.000+01:00

1ª AUT. XUVENIL, GRUPO 7

Resultados

2011-03-06T19:08:00.000+01:00

2ª AUTONÓMICA, GRUPO 6

Resultados

2011-03-05T20:36:00.002+01:00

1ª AUT. XUVENIL, GRUPO 7

1ª Autonómica Xuvenil

2011-03-03T19:16:00.000+01:00

2ª Autonómica: Nin o árbitro pode cun Sporting que vence pola mínima ó Sacido en Viveiro

2011-03-01T20:33:00.004+01:00

Visitaba o Sporting o Municipal de Viveiro para medirse a un dos favoritos ó ascenso, o Sacido. Os de Moirón acudían coa intención de seguir coa boa imaxe que están ofrecendo nos partidos lonxe da Mina, como o da anterior xornada na victoria ante o Galdo. E cumpliron sobradamente, cunha gran victoria gracias a un gol de Javi nos primeiros minutos da segunda parte. O árbitro, con varias xogadas polémicas a favor dos locais, foi un dos protagonistas do partido. Puido cambiar o desenlace cun penalti a favor do Sacido que se inventou nos instantes finais, pero o xogador local mandou o balón alto e ó final os 3 puntos viñéronse para A Pontenova.

Segunda salida consecutiva a Viveiro, logo da victoria en Galdo, e segundo compromiso complicado para o Sporting. Máis este último si cabe, pois o rival é un dos favoritos ó ascenso, aínda que neste momento se atope no 4º lugar a certa distancia dos postos que dan acceso directo á 1ª Autonómica. Pero os pontenoveses, máis necesitados e sabedores do seu poderío lonxe da Mina, saíron a buscar a sorpresa dende o primeiro minuto. A primeira oportunidade importante foi para os gualdinegros, nas botas de Fran, pero o seu disparo non serviu para inaugurar o marcador. Os minutos iban pasando e, aunque o Sacido dominaba lixeiramente, non poñía en demasiados apuros a César, que solventou perfectamente tódolos intentos locais neste primeiro tempo. Mentres, o Sporting centraba o seu ataque nos tres homes de diante, Jorge, Javín e Fran, moi activos sobre todo estes dous últimos. O campo sintético e as amplias dimensións do terreo de xogo eran propicios para que saira a relucir a calidade dos dianteiros pontenoveses, que aínda así tampouco gozaron de moitas oportunidades nesta primeira parte. En defensa, outra vez unha gran actuación que volveu a deixar a cero a meta sportinguista.
O segundo tempo comezou cos dous equipos saíndo a polo partido, pois os 3 puntos eran importantes para calquera dos dous bandos. Ós poucos minutos producíuse un troco que iba cambiar o partido sustancialmente. Deixaba o campo Jorge para darlle entrada a Marcos Conde, que se situou no lateral dereito deixando a Javi no extremo diestro. E na primeira xogada despois do cambio, este último gáñalle a carreira ó seu lateral, dribla a dous rivais dentro da área e saca un tiro potente que se cola centrado pero ante o que nada pode facer o porteiro local. Saltaba a sorpresa no Municipal. Ese gol deulles alas ós de Moirón, que nos minutos seguintes puideron ampliar a ventaxa con outra xogada de Javi, moi similar á do gol, pero esta vez o seu disparo foi cortado por un defensa. Entrando xa no último tramo de partido, o Sacido veuse arriba e gozaron de varias oportunidades, sobretodo con balóns colgados que remataron os seus dianteiros sen acerto, poñendo en algún apuro a zaga pontenovesa. Tamén os visitantes puideron ampliar a ventaxa, con oportunidades de Fran ou de Puente, ó que se lle anulou unha xogada por un fóra de xogo moi dudoso cando xa regateara ó gardameta. Pero, a moi poucos minutos para o remate, chegou a mellor ocasión para os locais. O árbitro, que firmou unha actuación bastante polémica, sinalou penalti nunha falta de Javi dentro da área moi protestada polos pontenoveses. Por sorte, o lanzador mandou o balón moi por encima da portería de César certificando a victoria do Sporting por 0-1.
Con estes 3 puntos, os de Moirón escalan outra posición e deixan xa a 4 rivais por debaixo, situándose no 12º posto con 23 puntos, a un do próximo rival, o Pol, situado un lugar por debaixo. Por encima, o Celta Barreiros aventaxa ós pontenoveses en 3 puntos.

Sporting Pontenova

Resultados

2ª AUTONÓMICA, GRUPO 7

AUT. XUVENIL, GRUPO 7

Resultados

2ª AUTONÓMICA, GRUPO 7

AUT. XUVENIL, GRUPO 7

Resultados

2ª AUTONÓMICA, GRUPO 7

2ª Autonómica: O Sporting acusa a falta de pegada e sufre para vencer ó Folgueiro

Resultados

2ª AUTONÓMICA, GRUPO 7

2ª Autonómica: Empate en Cospeito con sabor a pouco

Falece Abelleira, histórico ex-xogador e adestrador do Sporting Pontenova

2ª Autonómica: Iván Rañón abandona o Sporting para regresar ó Celta Barreiros

Resultados

2ª AUTONÓMICA, GRUPO 7

COPA DA MARIÑA

Resultados

COPA DA MARIÑA

Resultados

2ª AUTONÓMICA, GRUPO 7

1ª AUT. XUVENIL, GRUPO 7

2ª Autonómica: O Matela remonta e o Sporting suma a terceira derrota consecutiva

Aut. Xuvenil: O Sporting suma e sigue

Resultados

2ª AUTONÓMICA, GRUPO 7

2ª Autonómica: O Sporting sigue sin levantar cabeza e cae na Mina ante o Candelaria

Resultados

1ª AUTONÓMICA XUVENIL, GRUPO 7

2ª Autonómica: Derrota pola mínima en Galdo para continuar coa mala xeira

Aut. Xuvenil: Victoria sufrida ante o Foz para colocarse segundos na táboa

Resultados

2ª AUTONÓMICA, GRUPO 7

1ª AUT. XUVENIL, GRUPO 7

2ª Autonómica: O Sporting non pode nin co Parga nin co árbitro

Resultados

2ª AUTONÓMICA, GRUPO 7

2ª Autonómica: O Sporting perdoa e cae no desconto ante o Muimenta

Xuveniles: Primeira derrota da temporada no campo do Cospeito

Resultados

2ª AUTONÓMICA, GRUPO 7

1ª AUT. XUVENIL, GRUPO 7

2ª Autonómica: O Sporting vence ó Rioaveso no Machinango gracias a un doblete de Javín

Xuveniles: Goleada ante o Praia de Covas para firmar un inicio de liga impecable

Resultados

2ª AUTONÓMICA, GRUPO 7

Resultados

1ª AUT. XUVENIL, GRUPO 7

Resultados

2ª AUTONÓMICA, GRUPO 7

2ª Autonómica: O Sporting deixa boas sensacións pero acaba caendo en Santaballa

Aut. Xuvenil: Comeza a temporada cunha gran victoria no desconto ante o Sagrado

Resultados

2ª AUTONÓMICA, GRUPO 7

1ª AUT. XUVENIL, GRUPO 7

2ª Autonómica: O Sporting pode cun duro Meira nunha nova edición do derbi veciñal

Resultados

2ª AUTONÓMICA, GRUPO 7

2ª Autonómica: Primeiro punto no empate sen goles en Cervo

Xuveniles: Resumo amistosos

Resultados

2ª AUTONÓMICA, GRUPO 7

2ª Autonómica: O Sporting cae goleado polo Guitiriz no seu estreo

Resultados

2ª AUTONÓMICA, GRUPO 6

2ª Autonómica: Comeza o serio

2ª Autonómica: Resumo amistosos

Xuveniles: Resumo amistosos

2ª Autonómica: Resumo amistosos

Xuveniles: Resumo amistosos

Pretemporada: Dúas victorias en dous novos amistosos

Pretemporada: O C.D. Lugo xuvenil, campión do "I Trofeo Concello de A Pontenova"

Bruno Bouza volve ó Sporting para reforzar o primeiro equipo

I Trofeo Concello de A Pontenova

Luismi e Bruno Bouza están preto de regresar ó Sporting Pontenova

Premios de "El Progreso"

Aut. Xuvenil: Sergio Arango, mellor centrocampista e integrante do once ideal da temporada

Resultados

COPA ÉLIDE XUVENIL