Sporting Pontenova

jueves, 7 de junio de 2012

Toño Lombardero, o Marino, novo presidente do Sporting Pontenova

Logo de que Serafín Ron decidise abandoar o cargo despois de 4 anos á fronte do clube, o pasado venres celebrouse a asemblea na que quedou definida a nova directiva. O encargado de dirixir a nave sportinguista vai ser Antonio Lombardero, o Marino, que xa ocupara o cargo xusto antes de Serafín. Toño, que defendeu a camiseta gualdinegra entre 2004 e 2007, foi un dos integrantes do plantel e da directiva fai xa 8 anos, cando o Sporting retornou á competición logo de desaparecer do panorama futbolístico durante unha temporada, alá polo 2003.

Nesta nova andadura, na que se vai seguir apostando pola mesma filosofía, vai estar respaldado polos seguintes directivos:

-José Lombardero (Lombar), vicepresidente

-Manolo Rodríguez, tesoureiro

-Cándida Acebo, secretaria

-Miría, vocal

-Ernesto García, vocal

-Toño Miranda, vocal

Seguir lendo >>

viernes, 18 de mayo de 2012

A temporada 2011/2012 remata para o Sporting Pontenova

Logo da eliminación de ambos conxuntos na súa respectiva competición de Copa, queda finiquitada a temporada para os gualdinegros.
O Mondoñedo foi o verdugo do primeiro equipo, logo de impoñerse na eliminatoria gracias ó empate a 2 goles colleitado na Mina. A volta na cidade diocesana acabou con empate sen goles, polo que os de Moirón dixeron adeus á competición ás primeiras de cambio.
O verdugo dos xuveniles foi o Pastoricense, en segunda ronda. Logo de superar ó Lourenzá no primeiro envite, este xoves rematou a súa andaina ante os subcampións de Liga, ante os que caeron na Mina.

A temporada en xeral pódese resumir como satisfactoria para ambos equipos, sobretodo para os xuveniles, que remataron a competición da regularidade no pódium, firmando un gran terceiro posto só por detras de Burela e Pastoricense. O primeiro equipo conseguiu tamén o seu obxetivo, a permanencia, pero tivo que esperar ó último partido para firmala logo do empate sen goles na Mina ante o Sacido. Remata así un ano máis para os de Moirón, que afrontarán a temporada que ven con ilusións renovadas e cun aliciente máis, o descenso do Riotorto, que provocará que se reedite un derbi que non se xogaba en competición oficial dende hai case 20 anos.