miércoles, 30 de diciembre de 2009

Amistoso: Xuveniles e ex-xuveniles disputaron un encontro no que reinou o bon ambiente

A actual plantilla do Sporting Pontenova xuvenil enfrontouse o pasado sábado a un combinado dos xogadores que xogaron no equipo dende que Moirón está á fronte, dende 2007. O resultado neste caso era o de menos, e o 4-2 a favor do Sporting 09/10 foi unha simple anécdota. No campo reencontráronse con vellos compañeiros como Álex, Jorge Moirón, Manu, Joel, Wino, Muso... que foron un gran rival e incluso se chegaron a adiantar no marcador, pero ó final, e con gol de Xoel de penalty incluído, acabáronse impoñendo os actuais líderes da súa categoría. O encontro serviu principalmente para disfrutar e recordar vellos tempos para aqueles que hoxe en día xa non xogan ó fútbol, e para contar anécdotas dos anos anteriores na cea que se celebrou despois do partido. O bon ambiente que reinou fará que este acontecemento seguramente se repita nos seguintes anos.

jueves, 24 de diciembre de 2009

Bo Nadal e Feliz Aninovo!!

miércoles, 23 de diciembre de 2009

Amistoso de Nadal: Sporting Pontenova xuvenil - Ex-xogadores Sporting xuvenil



martes, 22 de diciembre de 2009

2ª Autonómica: Un Sporting sin pegada non pode co Galdo a pesar de facer un bo partido (0-0)

O pasado domingo recibía o Sporting na Mina ó Galdo, equipo da parte alta da táboa, nunha tarde fría que se presentaba complicada para os de Sachas. Pouco ambiente nas gradas, o que non axudaba a entrar en calor nin ós xogadores nin ós poucos aficionados, pero o bo xogo dos pontenoveses co paso dos minutos axudou un pouco a levantar os ánimos. Sobre o papel tiña que ser o equipo visitante o que levara o control do partido, pero no campo as cousas non son como pintan e o Sporting fíxose dono e señor do partido case dende o primeiro minuto e chegando con perigo continuo á meta viveirense, sobre todo polas bandas de Iván e Fran. Ambos tiveron oportunidades para abrir o marcador, pero nuns casos o porteiro e noutros a falta de puntería deixaban sen premio ós da Mina. As oportunidades máis claras neste primeiro tempo foron con remates de cabeza. Un por parte de Maqueto á saída dun córner, que se foi fóra por pouco, e outra con un centro dende a banda dereita no que Puente non calcula ben os tempos do salto e acaba rematando moi desviado. A pesar das ocasións, ó descanso chegouse co 0-0 inicial.
Os precendetes para o segundo tempo non eran nada bos, pois a relaxación nas segundas partes xogáralle malas pasadas ó Sporting en partidos anteriores. Pero non ocurriu o domingo. Mentres o rival só inquietaba con accións aisladas, os de Sachas seguiron practicando un fútbol que, sen ser bonito, era práctico e as ocasións seguíronse producindo. A primeira neste período chegou nunha falta dende 30 metro botada por Manu, na que no seu intento de centrar case marca despois de que ninguén tocase o balón. O mesmo xogador tería minutos despois outra boa ocasión nun remate de cabeza que se foi por moi pouco á dereita do gardameta. O máis activo neste segundo tempo foi Javi, que contou ata con tres oportunidades, a máis clara nun centro dende a banda esquerda que remata fóra cando xa se cantaba o gol na Mina. Fran e Carlos tamén puideron abrir a conta goleadora, pero ó final o marcador non se moveu e o encontro finalizou con empate sen goles. A pesar do punto logrado, o Sporting rematou o partido con boas sensacións polo xogo realizado ante un dos mellores equipos da categoría.
Con este empate, os de Sachas sitúanse no posto 12º con 18 puntos, a só 4 do Alfoz, 8º clasificado. O límite cos postos perigosos márcao o Parga, que está 14º con 12 puntos. Despois do parón de Nadal, que durará 3 semanas, comezará a segunda volta para o Sporting, que para empezar visitarán a un rival moi duro, o Pol de Miranda.

Aut. Xuvenil: Os xuveniles despiden o ano cunha goleada a domicilio ante o Pol (0-3)

Importante victoria a que logrou o Sporting Pontenova xuvenil no Manuel Luna. O partido disputouse o pasado domingo pola mañá baixo un intenso frío e cun campo totalmente xeado, ademáis de estar moi irregular.
A pesar do frío e do estado do terreo de xogo os rapaces de Moirón desplegaron un fútbol vistoso ante o que nada puido facer o conxunto local, que tivo na súa primeira xogada a mellor ocasión da que dispuxo en todo o partido, nun man a man que Xoel solventou perfectamente. A partir diso, o Sporting encerrounos no seu campo e só conseguiron pasar do medio con algún despexe dende a defensa. Os pontenoveses dedicáronse a tocar o balón polas bandas, que era onde mellor estaba o campo dentro do que cabe, tirando paredes e desbordando con facilidade ós laterais. O primeiro gol chegou a balón parado, cunha falta directa executada por Turbo cun tiro seco e na que puido facer bastante máis o porteiro. Precisamente este xogador volvía a Pol logo de abandonar ese equipo este verán rumbo á Pontenova. O segundo tanto veu logo dunha fermosa xogada na que participaron Antón, Tontxu, Turbo e Christian, que centrou raso para que Antón rematase en boca de gol. A sentencia chegou pouco antes do remate do primeiro tempo cun pase de Arango por encima dos centrais, entre os que se colou Matelo para definir por alto ante o gardameta. Así se chegou ó descanso.
Na segunda parte o guión non cambiou e os visitantes continuaron dominando por completo o balón, aínda que non lograron materializar ningunha das múltiples oportunidades das que dispuxeron, polo que o marcador non se moveu e rematou co 0-3.
Con este triunfo os pontenoveses manteñen o liderato con 5 puntos de distancia sobre o Foz e 7 sobre o Sagrado Corazón, que visitará a Mina dentro de 3 semanas logo do parón de Nadal. Agradecer de novo o apoio das numerosas persoas que, a pesar do horario e do tempo, acompañaron ó equipo neste desplazamento.

Crónica enviada por Sergio Arango.

domingo, 20 de diciembre de 2009

Resultados

Domingo 20 de Decembro, 11.30 h.
1ª Autonómica Xuvenil, Grupo 8
Xornada 16
Manuel Luna (Pol)
S.D. Pol 0 - 3 Sporting Pontenova
Goles: 0-1 Turbo, 0-2 Antón, 0-3 Matelo

Domingo 20 de Decembro, 16:00 h.
2ª Autonómica, Grupo 6
Xornada 15
Campo de A Mina
Sporting Pontenova 0 - 0 Novas Raíces de Galdo

viernes, 18 de diciembre de 2009

A xornada

  • Domingo 20 de Decembro, 11.30 h.
1ª Autonómica Xuvenil, Grupo 8
Xornada 16
Manuel Luna (Pol)
S.D. Pol - Sporting Pontenova

Comezan os campións de inverno a segunda volta nun campo moi complicado, o Manuel Luna, ante un rival sempre difícil, o Pol, a pesar de que este ano non están tan arriba como de costumbre. Os de Moirón intentarán despedir o ano con unha nova victoria que os arme de moral para afrontar a segunda parte da temporada na que deberán confirmarse como o mellor equipo da categroría.

  • Domingo 20 de Decembro, 16:00 h.
2ª Autonómica, Grupo 6
Xornada 15
Campo de A Mina
Sporting Pontenova - Novas Raíces de Galdo

Logo de non pasar do empate a pasada semana ante o San Ciprián, os de Sachas intentarán despedir o ano e a primeira volta cunha victoria na Mina que lles permita situarse na primeira metade da táboa. Enfronte, un rival moi complicado que se atopa no 4º posto e nun bo estado de forma, o Novas Raíces. O partido disputaráse o domingo día 20, ás 4 da tarde no Campo da Mina.

martes, 15 de diciembre de 2009

2ª Autonómica: O Sporting non pasa do empate sen goles no campo do San Ciprián

O pasado sábado visitaba o Sporting Pontenova a cancha do colista, o San Ciprián. As baixas volveron a condicionar o once de Sachas, que tivo que convocar a tres xogadores do equipo xuvenil, que descansaba este fin de semana. Christian e Tontxu participaron no encontro, sendo dous dos destacados na segunda parte. Xoel viu todo o partido dende o banquillo. Foi un choque donde os da Mina puideron levarse os 3 puntos en varias ocasións moi claras, pero nuns casos a falta de puntería e noutros a escasa fortuna provocaron que o marcador dos pontenoveses quedara a 0. Maqueto e Iván tiveron oportunidades moi claras no primeiro tempo para inaugurar o contador, pero non era o día, xa que tampouco Puente ou Javi foron capaces de perforar a portería local. Na segunda parte a ocasión máis clara foi unha falta botada por Manu que se estrelou contra o largueiro cando xa se cantaba o gol, pero tamén houbo máis xogadas de perigo por parte do Sporting que ó final vería como se marchaba do partido con un só punto que sabe a pouco, tendo en conta tamén que o San Ciprián xogou con 10 moitos minutos e con 9 dende o 45 da segunda parte.
Con este empate os de Sachas quedan no posto 12º con 17 puntos en 14 partidos, a 2 de distancia do Luis Pimentel, 11º, e tamén a 2 do Mondoñedo, 13º. O Candelaria marca o límite coa zona peligrosa, quedando xa a 5 puntos de distancia. Por outra parte, as plazas de ascenso quedan un pouco máis lonxe, concretamente a 9 puntos. O seguinte partido será na Mina o próximo domingo ás 4 da tarde ante o Novas Raíces de Galdo.

sábado, 12 de diciembre de 2009

Resultados

Sábado 12 de Decembro, 16:00 h.
2ª Autonómica, Grupo 6
Xornada 14
A Veiga (San Ciprián)
C.D. San Ciprián 0 - 0 Sporting Pontenova

viernes, 11 de diciembre de 2009

A xornada

  • Sábado 12 de Decembro, 16:00 h.
2ª Autonómica, Grupo 6
Xornada 14
A Veiga (San Ciprián)
C.D. San Ciprián - Sporting Pontenova

Visita o Sporting ó colista da categoría, o San Ciprián. Logo da derrota do pasado sábado ante o Folgueiro, os de Sachas buscarán volver á boa senda e seguir afastándose dos postos de descenso, que na actualidade quedan a 7 puntos. O rival, que só gañou un partido no que vai de liga e que conta con 4 puntos no seu casilleiro, intentará saír do pozo no que se encontra dende o principio da competición. O partido será o mañá sábado, día 12, ás 4 da tarde no campo de A Veiga, en San Ciprián.
Por outra parte, os xuveniles descansarán esta xornada, polo que o seguinte encontro non será ata dentro dunha semana, en Pol, arrancando alí a segunda volta.

miércoles, 9 de diciembre de 2009

2ª Autonómica: O Folgueiro frena a boa racha do Sporting vencendo na Mina (1-2)

A tarde desapacible e o pouco público presente na Mina parecían presaxiar un partido pouco favorable para os pontenoveses. Enfronte estaba o Folgueiro, situado no vagón de cabeza da competición e que dende o primeiro minuto deu a sensación de ser un equipo forte.
O partido comezou igualado, cun Sporting que buscaba facer da Mina un fortín, pois está sendo o seu punto débil esta campaña. Parecía que os de Sachas controlaban o balón pero os visitantes, cada vez que aparecían, poñían en serios apretos ós locais. Foi o Folgueiro o primeiro en golpear. Saque de esquina dende a banda dereita, o balón colgado vaise pechando e cólase na portería de Juanki por toda a escadra, logo de petar no pau. Un dos goles máis fermosos que se recordan na Mina, pois o golpeo do xogador viveirense foi perfecto e o balón entrou limpamente polo segundo pau. Logo do gol o Sporting tivo algunha boa ocasión para empatar. Maqueto e Fran estiveron moi cerca pero foi Javi, a escasos minutos do descanso, quen puxo as táblas no marcador. O dianteiro pontenovés cazou un rexeite no borde da área e batiu o porteiro rival de vaselina e cunha pizca de fortuna. Puidéronse adiantar pouco despois os visitantes de novo nunha falta lateral que sacou o mesmo xogador que conseguira o gol, e cun tiro exactamente igual pero que nesta ocasión se foi ó pau. O gol de Javi serviu para marchar ó descanso con boas sensacións logo dunha primeira parte moi correcta.
O segundo tempo comezou co hándicap de xogar en contra do aire, xa que na primeira metade non puideron aproveitar o feito de contar con él a favor. Os segundos 45 minutos foron moi disputados, pois ambos equipos necesitaban a victoria e saíron a por ela dende o principio. Calquera dos dous conxuntos tiveron oportunidades, algunha moi boa do Sporting, pero parecía que o balón non quería entrar, e pouco a pouco o Folgueiro parecía estirarse e comezou a poñer en serios apuros ós da Mina. Ata que, a 10 minutos do final, conseguiron o definitivo 1-2 nun despiste da zaga pontenovesa e de Juanki. Con ese resultado chegou o pitido final.
Logo desta derrota os de Sachas ven frenado o seu ascenso e quédanse no posto 11º empatado a puntos co Bonxe, 10º, e co Luis Pimentel, 12º. Os postos perigosos quedan a 6 puntos, mentres que as posicións de privilexio quedan xa un pouco máis lonxe. O seguinte encontro disputaráse a próxima fin de semana, no Campo da Veiga en San Ciprián ante o colista da categoría.

Aut. Xuvenil: Nova victoria en San Ciprián (1-3) e campións de inverno

Partido fácil o que disputou o Sporting Pontenova xuvenil no Campo da Veiga, en San Ciprián. Os de Moirón chegaban con todos os seus xogadores no derradeiro partido da primeira volta, xa que na última xornada serán o equipo que descanse.
A primeira parte estivo marcada polo dominio case total do balón por parte dos visitantes, polo que dispuxeron de numerosas ocasións para marcar. O primeiro gol foi obra de Matelo logo de transformar un penalti cometido sobre Antón. O segundo, obra de Turbo, foi unha das xogadas máis fermosas do partido. Turbo recolle un balón no medio campo e logo de trenzar dúas paredes con Tontxu abre á banda dereita donde Christian lle serve ó punto de penalti un balón raso que o propio Turbo coloca na escadra da portería local. Co 0-2 fóronse ós vestiarios.
Na segunda parte o Sporting continuou co seu fútbol e dominando en todo momento a posesión do esférico. O terceiro tanto chegou mediado o segundo tempo, logo dun gran pase en profundidade de Ayoub para Antón, que bate por baixo ó porteiro do San Ciprián deixando o encontro visto para sentencia. O gol de honra dos locais chegaría a falta de 5 minutos para o remate mediante unha vaselina que superou a Xoel, que se encontraba adiantado. Con resultado de 1-3 rematou un partido controlado de principio a fin polos pontenoveses.
Con esta victoria os da Mina logran manter o liderato do grupo e conseguen de forma matemática o "título" de campións de inverno. A próxima xornada o Sporting Pontenova descansa, polo que o seguinte encontro será dentro de 15 días ante o Pol no Manuel Luna, no que significará o comezo da segunda volta.

sábado, 5 de diciembre de 2009

Resultados

Sábado 5 de Decembro, 16:00 h.
2ª Autonómica, Grupo 6
Xornada 13
Campo de A Mina
Sporting Pontenova 1 - 2 U.D. Folgueiro
Goles: 1-1 Javi

Sábado 5 de Decembro, 16:00 h.
1ª Autonómica Xuvenil, Grupo 8
Xornada 14
A Veiga (San Ciprián)
C.D. San Ciprián 1 - 3 Sporting Pontenova
Goles: 0-1 Matelo, 0-2 Turbo, 0-3 Antón

viernes, 4 de diciembre de 2009

A xornada

  • Sábado 5 de Decembro, 16:00 h.
2ª Autonómica, Grupo 6
Xornada 13
Campo de A Mina
Sporting Pontenova - U.D. Folgueiro

Logo da victoria en Parga e de 3 xornadas consecutivas sen perder, buscarán os de Sachas un novo triunfo que os acerque ós postos de arriba, pois o Folgueiro está no 4º posto a só 4 puntos do Sporting Pontenova, 9º clasificado. O encontro disputaráse mañá sábado, ás 4 da tarde na Mina.

  • Sábado 5 de Decembro, 16:00 h.
1ª Autonómica Xuvenil, Grupo 8
Xornada 14
A Veiga (San Ciprián)
C.D. San Ciprián - Sporting Pontenova

Despois de vencer de maneira consecutiva ó Lourenzá e ó Foz, 2º e 3º, o Sporting visita San Ciprián coa intención de seguir collendo distancia con estes equipos. Os de Moirón son virtualmente campións de inverno, polo que logo dos dous triunfos anteriores posiciónanse xa definitivamente como os máximos favoritos ó título de Liga. O partido será mañá sábado no campo de A Veiga, en San Ciprián, ás 4 da tarde.

lunes, 30 de noviembre de 2009

2ª Autonómica: O Sporting vence en Parga (0-2) e aséntase na zona tranquila

Victoria moi importante a conseguida no día de onte en Parga. Logo de dous empates consecutivos, os de Sachas presentábanse no partido buscando un triunfo que lles permitise escapar dos postos perigosos, pois unha derrota acercaríaos de novo á zona de descenso.
Comezou o partido con ambos equipos intentando adapatarse ó intenso frío e ó mal estado do terreo de xogo, pero os pontenoveses demostraron dende o primeiro momento que ían a pola victoria e dominaron durante boa parte dos primeiros 45 minutos. Incluso puideron inaugurar o marcador con boas ocasión por medio de Puente ou Otto, pero o gol non chegaba. Na recta final deste período o Parga estirouse e comezou a poñer en apuros a Juanki, pero ó final marcháronse ó vestuario co 0-0 inicial.
O segundo tempo comezou coas novidades de Carlos, que sustituíu a Gene minutos antes do descanso, e de Villy, que entrara por Garboso. O dominio volveu ó bando sportinguista, e as oportunidades comezaron a chegar de novo. Preto do minuto 60 chegaría o primeiro tanto do encontro, nun libre indirecto ó borde da área que transformou Fran cun gran disparo raso. Os minutos foron pasando e pouco a pouco os de Sachas iban cedendo terreo a un Parga que comezaba a asediar o marco pontenovés, pero os da Mina estaban ben plantados e os arreóns locais era repelidos unha e outra vez pola zaga visitante. Xa no desconto, e cando peor o estaban pasando, chegou o gol da sentencia, obra de Javi, que consegue así o seu primeiro tanto da temporada. E ahí morreu o partido, finalizando co 0-2 para os da Pontenova.
Con este resultado o Sporting ascende ata o 9º posto con 16 puntos, situándose xa a 6 da zona de descenso e a só 5 dos postos de privilexio. A vindeira fin de semana visita a Mina o Folgueiro, que está na 4ª posición con 20 puntos.

Aut. Xuvenil: O Sporting tamén sabe sufrir e abre brecha na liga logo de vencer ó Foz (1-0)

O partido máis difícil da temporada ata o momento disputouse o pasado sábado no Campo de A Mina, nunha tarde moi desapacible na que non parou de chover en todo o partido, o que, ademáis do intenso frío e do vento, condicionou o xogo dun encontro no que ambos equipos se xogaban moito. Moi boa entrada na tribuna, o que reflexa de novo o ben que está respondendo a afición tamén neste curso.
Principiou o partido e o Sporting, a favor de aire, plantouse moi ben no campo e nos primeiros minutos deixou ver o que ía ser toda a primeira parte, con chegadas case consecutivas a poñendo en apuros á defensa visitante coa velocidade de Matelo, Christian e Antón. En defensa a principal novidade foi a volta de Leivas, que xunto con Bruno firmaron outra grandísima actuación. As ocasión sucedíanse para os de Moirón pero o gol non acababa de chegar, aínda que estiveron cerca en varias oportunidades. O estado do terreo de xogo non era o propicio para ver un partido bonito, pero aínda así os locais adaptáronse moi ben e estaban poñendo en apuros á zaga focense con balóns largos que unha e outra vez arañaba Matelo gañándolle a espalda ós centrais e ós laterais, e nunha desas, logo dun pase de Christian, conseguiu plantarse diante do porteiro subindo o primeiro ó marcador cerca da media hora de xogo. Auténtico monólogo do Sporting nos primeiros 45 minutos, nos que Xoel foi un espectador de luxo na Mina. O marcador non se movería antes do descanso, ó que se chegou co 1-0.
Na segunda parte o guión cambiou considerablemente. Agora era o Foz o que xogaba a favor do vento, e fixéronse co control do partido case dende o primeiro minuto. Pero enfronte atopáronse cun equipo que tamén sabe sufrir e que estivo prácticamente impecable en defensa, sen cometer ningún erro polo que os visitantes non foron capaces de materializar ningunha das ocasións que tiveron. Foron 45 minutos nos que os de Moirón loitaron diante dun gran conxunto que dominou coas armas que utilizaran os pontenoveses no primeiro tempo, pero neste caso os focenses chocaron unha e outra vez contra o muro gualdinegro, polo que ó final o gol de Matelo acabou sendo o decisivo e deulle 3 valiosísimos puntos ó Sporting Pontenova.
Con esta victoria o Foz queda xa a 8 puntos de distancia, aínda que con 2 partidos menos, polo que este triunfo era vital para seguir sendo o máximo favorito para acabar conseguindo o título. O seguinte partido será a domicilio ante o San Ciprián.

2ª Autonómica: César volve ó Sporting para reforzar a portería

César, mítico gardameta do Sporting Pontenova na década dos 90, retorna ó equipo para reforzar un posto no que só estaba Juanki logo da marcha de Pablo.
César defendeu durante varios anos a portería dun Sporting que comezaba a facerse un nome no fútbol da comarca, realizando grandes campañas en 2ª e 1ª Rexional e sendo a base do equipo que acabaría sendo un dos punteiros da Rexional Preferente e que no ano 2000 ascendería a Terceira División. Actualmente, e dende hai tamén bastantes anos, seguía ligado ó deporte da Pontenova xogando no Industrial Recense, equipo que milita na Liga Provincial de fútbol-sala. No partido de onte en Parga xa viaxou por primeira vez co equipo, aínda que para debutar terá que esperar polo menos unha semana máis.

sábado, 28 de noviembre de 2009

Resultados

Sábado 28 de Novembro, 16:15 h.
1ª Autonómica Xuvenil, Grupo 8
Xornada 13
Campo de A Mina
Sporting Pontenova 1 - 0 C.D. Foz
Goles: 1-0 Matelo

Domingo 29 de Novembro, 16:15 h.
2ª Autonómica, Grupo 6
Xornada 12
Noreña Basanta (Parga)
Parga F.C. 0 - 2 Sporting Pontenova
Goles: 0-1 Fran, 0-2 Javi

viernes, 27 de noviembre de 2009

A xornada

  • Sábado 28 de Novembro, 16:15 h.
1ª Autonómica Xuvenil, Grupo 8
Xornada 13
Campo de A Mina
Sporting Pontenova - C.D. Foz

Duelo na Mina entre os dous mellores equipos da categoría. O Sporting Pontenova, líder, recibe ó segundo clasificado, o Foz, situado a 5 puntos dos de Moirón, aínda que con dous partidos menos. O que saia vencedor neste choque dará un paso de xigante para conseguir o título, ademáis de saír moi reforzado moralmente. Dende aquí, e de parte de toda a plantilla, queremos pedir o apoio de toda a afección e que a Mina volva a presentar o aspecto das grandes tardes.

  • Domingo 29 de Novembro, 16:15 h.
2ª Autonómica, Grupo 6
Xornada 12
Noreña Basanta (Parga)
Parga F.C. - Sporting Pontenova

Viaxan os de Sachas a Parga para enfrontarse a un equipo que está nunha situación moi parecida, pelexando por alonxarse dos postos de perigo e que está só dous postos por detrás do Sporting, a 3 puntos de distancia. Logo de dous empates consecutivos, os da Mina intentarán volver á senda das victorias, algo que non ocurre dende o triunfo en Lugo ante o Luis Pimentel, hai agora 3 xornadas.

miércoles, 25 de noviembre de 2009

¡¡A por eles!!


lunes, 23 de noviembre de 2009

2ª Autonómica: O Sporting deixa escapar un 2-0 e acaba pedindo a hora (2-2)

Logo do empate ante o Rioaveso, recibía o Sporting ó Bonxe coa intención de volver á senda das victorias. O rival era o ideal, pois só estaba un posto por detrás dos de Sachas e a só un punto.
E comezaría moi ben o partido para os locais, creando ocasións e plantándose ben no campo ante un rival que non daba sinais de vida. Ós poucos minutos chegaría o primeiro gol. Xogada pola banda dereita que remata nun centro ó punto de penalti dónde Puente, ó primeiro toque e de tacón, deixa o balón perfecto para a chegada de Fran, que define sen oposición diante do porteiro subindo o primeiro ó marcador da Mina. Pintaban ben as cousas para o Sporting, que non baixou o ritmo e seguiu creando perigo, podendo ampliar a ventaxa. Mediado o primeiro tempo chegou o segundo. Nun balón largo pola banda esquerda que parecía fácil para a defensa, dúrmense o central e o lateral e Puente, máis listo, gáñalles en velocidade e plántase só diante do porteiro, definido de maneira perfecta cun tiro cruzado. O tanto a punto estivo de ser anulado pois por culpa dun buraco na rede parecía que o balón non entrara. Con este tanto o partido parecía máis que controlado polos de Sachas, que non estaban a pasar ningún tipo de apuro. Pero froito da tranquilidade do segundo gol, o Sporting relaxouse demasiado e o Bonxe comezou a estirarse e a crear perigo na portería de Juanki. E xusto antes do descanso conseguirían recortar diferencias, nunha xogada na que se despista a defensa pontenovesa a que acaba co balón no fondo da rede logo dun remate dende a frontal. Con ese gol marcháronse ós vestiarios.
Na segunda parte a cousa non mellorou e o Sporting seguía arrastrando a relaxación do final do primeiro tempo, polo que os visitantes se fixeron co partido case dende o primeiro minuto. Unha e outra vez chegaban con perigo á meta pontenovesa e a afición vía cada vez máis cerca o tanto do empate. En contadas ocasións se acercaban os de Sachas, que tiveron as máis claras neste segundo tempo a balón parado, como unha de Joel á saída dun córner que chegou a rematar ata por dúas veces pero que acabou sacando a zaga do Bonxe. E nunha das chegadas visitantes chegou a igualada, cun balón que recibe o xogador visitante a 20 metros do marco pontenovés e sen oposición saca un trallazo que supera a Juanki logo de botar no céspede, o que despistou ó gardameta. Tras este gol houbo un amago de reacción por parte do Sporting, pero non era o día e as ocasións que se creaban só eran a balón parado ou con tiros lonxanos. O rival, xa con un menos, dedicábase a aguantar as acometidas dos da Mina e incluso puideron levarse os 3 puntos xa no desconto nun contraataque no que, cos pontenoveses volcados ó ataque, quedaron soamente dous defensores contra tres atacantes do Bonxe, que se plantaron diante de Juanki pero o seu tiro cruzado estrelouse no pau cando o porteiro xa estaba superado. Así se chegou ó final, coa sensación de deixar escapar un partido que xa estaba prácticamente gañado.
A seguinte semana os de Sachas enfrontaránse ó Parga a domicilio, rival que está situado por detrás do pontenoveses a 4 puntos de distancia.

Aut. Xuvenil: Victoria e golpe na mesa en Lourenzá (0-1)

Como rezan as camisetas, a "marea gualdinegra" invadiu o pasado sábado Vilanova de Lourenzá. O partido non se presentaba nada fácil pois o rival, terceiro na táboa a 6 puntos do Sporting, aínda non perdera nin un só partido no que levaban de Liga. Pero enfronte estaba o líder, que chegaba nun gran estado de forma e que afronta o tramo máis importante do que vai de competición pletórico de forzas.
Comezou o partido xa coa primeira victoria, a da tribuna. Bo ambiente na grada e máis de tres cuartos dos presentes chegados desde A Pontenova, algo que sempre é de admirar e de agradecer. Pero no campo as cousas non serían nada fáciles. Nos primeiros minutos os locais parecían máis enchufados e puxeron en apuros a Xoel en varias ocasións, pero pouco a pouco os de Moirón comezaron a controlar o choque. O rival sentíase forte e puido estrear o marcador con algunha oportunidade clara, incluso houbo unha xogada polémica na área do Sporting que ben puido ser penalti. Pero os visitantes foron gañando terreo e a primeira gran ocasión tivoa Tontxu nun gran remate de cabeza que non acabou dentro por pouco. A partir de ahí os da Mina fixéronse definitivamente co control e comezou a rondar continuamente a portería laurentina. Christian e Matelo puideron subir o primeiro pero o marcador non se movería antes do descanso.
Tralas boas sensacións do primeiro tempo ambos equipos saltaron nesta segunda parte na busca da victoria. Comezou dominando o Sporting Pontenova, que nos primeiros 25 minutos da reanudación contou con múltiples ocasións, pero parecía que o balón non quería entrar. Estiveron cerca Turbo, Matelo ou Antón, incluso Tontxu volveu a estar a punto de marcar cunha falta directa botada maxistralmente que sacou o porteiro cunha excelente parada. Pero logo do arreón visitante, o Lourenzá comezou a gañar terreo pouco a pouco e a poñer en apuros a Xoel de novo. Pero cando peor o estaba pasando o Sporting chegou o gol. O balón chégalle a Christian en banda dereita, chega ata a línea de fondo e saca un centro ó segundo pau dónde aparece Antón, que fai unha deixada para que Matelo, esperando no punto de penalti, fusile por baixo ó porteiro laurentino. Adiantábase o Sporting quedando 10 minutos para o remate, polo que tocaba manter o resultado. Creceu en intensidade o partido, incluso se produciron varias tanganas entre xogadores, o que acabou por favorecer ós visitantes pois perdéronse varios minutos nesas disputas. E así se chegou ó final, coa importantísima victoria dos de Moirón gracias ó gol de Matelo cando xa se apuntaba ó 0-0.
Con este resultado o Sporting Pontenova abre brecha co Lourenzá, que queda xa a 9 puntos aínda que cun partido menos. O seguinte partido vai ser aínda máis importante, pois visita a Mina o Foz, segundo clasificado e principal rival dos pontenoveses polo título. O encontro será o próximo sábado 28 ás 16:15 da tarde.

domingo, 22 de noviembre de 2009

Avance resultados

Sábado 21 de Novembro, 16:15 h.
1ª Autonómica Xuvenil, Grupo 8
Xornada 12
Santa Cruz (Lourenzá)
E.D. Lourenzá 0 - 1 Sporting Pontenova
Goles: 0-1 Matelo

Domingo 22 de Novembro, 16:15 h.
2ª Autonómica, Grupo 6
Xornada 11
Campo de A Mina
Sporting Pontenova 2 - 2 Bonxe F.C.
Goles: 1-0 Fran, 2-0 Puente

miércoles, 18 de noviembre de 2009

Aut. Xuvenil: O Sporting xógase media liga nas próximas catro xornadas

Quedan catro xornadas para o remate da primeira volta, e neses catro partidos vaise decidir gran parte do futuro da 1ª Autonómica Xuvenil. Os cruces entre equipos de arriba van ser habituais nas próximas semanas, polo que o Sporting necesitará sacar a maior cantidade de puntos posible para seguir sendo o máximo favorito ó triunfo final. Este mesmo fin de semana os de Moirón van visitar o campo de Santa Cruz para medirse ó Lourenzá, terceiro clasificado a 6 puntos dos pontenoveses e cun partido menos; o Foz, segundo na táboa a 5 puntos do Sporting e con 2 partidos menos, vaise enfrontar ó San Ciprian, que ocupa a sexta posición. O outro enfrontamente importante da xornada vai ser o Pastoricense - Sagrado Corazón, cuarto e quinto respectivamente. Na xornada do 28 de Novembro visitará a Mina o máximo rival ata o momento, o Foz, segundo clasificado, nun partido que promete ser moi intenso vendo os precedentes da temporada pasada. Nesa mesma xornada o Lourenzá viaxará a Pol, o Sagrado recibe ó Cospeito e o Pastoricense medirase co Ribadeo. Na penúltima data da primeira volta os da Mina viaxarán a San Ciprián, un campo sempre complicado, mentres que o Lourenzá e o Sagrado Corazón vanse medir entre sí, o Foz recibirá ó Pol e haberá derbi entre o Pastoricense e o Meira. E xa na derradeira xornada antes do parón, tocarálle descansar ó Sporting, polo que se igualará a partidos co resto dos rivais. Nese mesmo fin de semana disputaráse un choque de gran interés para os de Moirón, Sagrado Corazón - Foz, o Lourenzá viaxa a Ribadeo e o Pastoricense a Burela.
Vistos todos estes cruces, podemos predecir que as próximas semanas van resultar cruciais para o Sporting Pontenova xuvenil, e van deixar moi definido gran parte do seu futuro na competición.

martes, 17 de noviembre de 2009

2ª Autonómica: Empate en Rioaveso (1-1) para seguir na zona tranquila

Novo empate do Sporting, esta vez a domicilio e ante un rival que neste momento só aventaxa ós da Mina nun punto. A principal novidade do once de Sachas era a presencia de Xoel na portería, así como a volta de Maqueto, Javi e Villy á titularidade e as baixas importates de Marcos Conde e Juanki. Ós cuarto de hora adiantaríase o Sporting por medio de Javín, logo de plantarse diante do porteiro e sortealo cun gran regate. O dianteiro de Trabada está a ser o gran protagonista do equipo no plano goleador neste inicio de temporada, pois firma o 50% dos tantos conseguidos ata o momento polos pontenoveses. Pero pouco lles durou a alegría ós visitantes, pois o empate chegaría dez minutos despois na saída dun córner que non foi capaz de despexar a defensa sportinguista. Con este resultado chegouse ó descanso.
No segundo tempo ambos equipos buscaron a victoria dende o primeiro momento, pero a falta de acerto cara a portería de ambos conxuntos propiciou que o marcador non se movese. Por parte do Sporting as oportunidades máis claras foron de novo por parte de Javín, pero non foi capaz de ampliar a súa conta. Co empate chegaríase ó final, e con este punto ambos equipos rematan a xornada situados de novo na zona media da táboa.
No seguinte compromiso, o próximo domingo, os de Sachas recibirán ó Bonxe no Campo da Mina. O encontro vaise disputar ás 16:15 da tarde.

Aut. Xuvenil: Os de Moirón sufren na primeira parte pero acaban goleando ó Cospeito (6-1)

Nova goleada do Sporting Pontenova na Mina, e xa van unhas cuantas nesta temporada. O rival nesta ocasión era o último clasificado, o Cospeito, pero nos primeiros 45 minutos tiveron contra as cordas a un líder que se presentaba coa principal novidade de Noel na portería, pois Xoel disputou o partido do primeiro equipo ante o Rioaveso. Outra novidade importante era a presencia de Arango no banquillo, para reservalo ante a posibilidade de quedar suspendido por acumulación de tarxetas. O partido non comezou da mellor maneira para os de Moirón, pois recibiron un gol cando se levaban disputados poucos minutos. Foi a balón parado, nunha falta lonxana que se colou pola escadra da portería de Noel, que acabaría tendo unha boa actuación no seu debut como titular. A partir do gol os visitantes pelexaron por manter o resultado e o Sporting acabouse contaxiando do pouco fútbol do Cospeito, pero a maior calidade dos locais iríase impoñendo pouco a pouco. O empate chegaría pasada a media hora de xogo e levaría a firma de Antón, que definiu diante do porteiro logo dunha xogada individual no lado esquerdo da área. E preto do descanso o gol da remontada, obra de Bruno que remata de cabeza no segundo pau un córner botado dende a banda dereita. Así se chegou ó descanso, con sorpresa relativa pois o Cospeito puxo en serios apretos ós locais no primeiro tempo.
Pero na segunda parte o guión cambiou notablemente. A pesar de non disputar un dos mellores partidos, o Sporting comezou a funcionar e os tantos a subir ó marcador. Christian faría o 3-1, o gol da tranquilidade, logo dunha xogada individual. O 4-1 sería obra de Matelo, que non faltou á súa cita co gol, aínda que nesta ocasión chegaría de penalti. Puideron chegar maís goles neste período, pois as oportunidades foron numerosas, pero o encargado de cerrar o partido foi Ayoub, que entrara por Seoane, con dous tantos. O primeiro nun remate de cabeza que entrou logo de que o porteiro o tocase, e o segundo resolvendo un barullo na área pequena cun trallazo ante o que nada puido facer o gardameta do Cospeito. E así, co definitivo 6-1 rematou o partido.
Na seguinte xornada os de Moirón van visitar o campo da auténtica revelación da temporada, o Lourenzá. O partido será o próximo sábado no campo de Santa Cruz.

sábado, 14 de noviembre de 2009

Avance resultados

  • Sábado 14 de Novembro, 16:15 h.
2ª Autonómica, Grupo 6
Xornada 10
O Machinango (Rioaveso)
Rioaveso S.D. 1 - 1 Sporting Pontenova
Goles: 0-1 Javín

  • Sábado 14 de Novembro, 16:15 h.
1ª Autonómica Xuvenil, Grupo 8
Xornada 11
Campo da Mina
Sporting Pontenova 6 - 1 C.D. Cospeito
Goles: 1-1 Antón, 2-1 Bruno Bouza, 3-1 Christian, 4-1 Matelo (p.), 5-1 Ayoub, 6-1 Ayoub

jueves, 12 de noviembre de 2009

Partidos desta fin de semana

  • Sábado 14 de Novembro, 16:15 h.
2ª Autonómica, Grupo 6
Xornada 10
O Machinango (Rioaveso)
Rioaveso S.D. - Sporting Pontenova

Viaxan este sábado os de Sachas a Vilalba para enfrontarse ó Rioaveso, rival que os precede na táboa con un punto máis. Logo da derrota pola mínima ante o líder Pastoricense, os da Pontenova intentarán volver á senda das victorias ante un rival que ven de gañar en San Ciprián na anterior xornada.

  • Sábado 14 de Novembro, 16:15 h.
1ª Autonómica Xuvenil, Grupo 8
Xornada 11
Campo da Mina
Sporting Pontenova - C.D. Cospeito

Tralos rumores de que o colista non se iba presentar na Mina para este partido, esta tarde confirmouse que o Cospeito si que acudirá ó choque do sábado, aínda que escaso de efectivos. Neste partido os de Moirón buscarán unha nova victoria que lles permita conservar o liderato, e será ante un rival a priori asequible, que chega no último posto da táboa.

lunes, 9 de noviembre de 2009

2ª Autonómica: Un Sporting combativo cae pola mínima ante o Pastoricense na Mina (0-1)

O Sporting non puido co líder no partido disputado onte, aínda que os da Pastoriza acabaron pedindo a hora. Os de Sachas chegaban a este partido con moita confianza logo de dúas victorias consecutivas, pero enfronte tiñan un rival que aínda non coñece a derrota e que xa goleara ós da Pontenova na pretemporada, polo que os precedentes non eran bos. Tardaron os locais en collerlle o ritmo ó encontro, e mentras os visitantes íanse asentando no campo e comezando a crear perigo na portería de Juanki. A defensa do Sporting mostrábase outra vez segura, pero en ataque non acababan de saír as cousas, e nin Puente nin Javín levaron excesivo perigo á porta do Pastoricense nos primeiros 45 minutos. Mediado o primeiro tempo chegou o único tanto do partido. Centro dende a banda dereita ó segundo pau dónde, nun fallo na marca da defensa sportinguista, aparece o dianteiro visitante rematando ó fondo da rede. Así se chegaría ó descanso.
O segundo tempo comezou cun Sporting combativo e que buscou a igualada dende o primeiro minuto, pero as ocasións que creou tampouco foron claras en exceso. As bandas non funcionaron como en anteriores ocasións e as poucas oportunidades que se crearon foron maiormente con tiros lonxanos por parte de Iván, Puente ou Javín. Medrou o partido en intensidade e o xogo volveuse duro por momentos, quedándose incluso o Pastoricense con un home menos no campo. Canto máis se achegaba o final máis se iban volcando os da Pontenova sobre a portería visitante, e acabaría xogando con só tres defensores e con 4 dianteiros no campo. As ocasións chegaban pero o gol seguíase resistindo. Nos últimos minutos houbo dúas xogadas claras a balón parado a favor dos locais. Primeiro, unha falta ó borde da área que aparentaba perigosa pero sen resultado. E na última xogada do encontro, o árbitro sinalou un libre indirecto escasos centímetros dentro da área por xogo perigoso dun defensor visitante. Era a última ocasión, pero o disparo de Marcos Conde marchou moi desviado e o árbitro sinalou o final do choque.
Con esta derrota os de Sachas só baixan un posto na táboa e sitúanse agora décimoprimeiros, pero ven reducida a vantaxe cos equipos de atrás. Na próxima xornada viaxarán a Rioaveso para enfrontarse ó equipo que os precede na clasificación.

domingo, 8 de noviembre de 2009

Avance resultados

Domingo 8 de Novembro, 16:15 h.
2ª Autonómica, Grupo 6
Xornada 9
Campo de A Mina
Sporting Pontenova 0 - 1 U.D. Pastoricense

sábado, 7 de noviembre de 2009

Aut. Xuvenil: O Sporting vence e convence (0-4) en Pastoriza

O dificil desprazamento do equipo xuvenil nesta xornada ó renovado Campo do Acebreiro en A Pastoriza, saldouse cunha nova victoria para o equipo de Dani Moirón por un contundente 0-4.
A primeira metade foi de tanteo por parte dos dous equipos, pero o equipo visitante, chegaba con perigo a porta contraria con claras ocasións de Matelo, Antón e Turbo. Pero habería que esperar ata o minuto 44 da primeira metade, cando unha excelente combinación entre Turbo e Matelo acaba co primeiro gol para o equipo visitante, obra do dianteiro asturiano que xa leva 14 dianas no campionato.
Na segunda metade o equipo de Moirón saiu outra vez enchufado, non dandolle ningunha opción o equipo local, e así chegaría o segundo tanto, obra de Antón, logo dunha maxistral xogada e Christian pola banda que combina con Matelo, que é o encargado de realizar finalmente a asistencia.
O terceiro gol chegaría logo dunha falta botada por Antonio, que Turbo remata acrobáticamente acadando o terceiro. E finalmente, unha gran internada de Matelo, que asiste a Turbo e este logo de levar o seu defensor saca un impresionante trallazo que se cola pola escadra da porteria local, cerrando así o resultado. A partir deso, o adestrador visitante aproveitou para darlle minutos a xente menos habitual, ainda que o marcador puido ser mais abundante.
Dar as gracias a todos aqueles que se desprazaron animar o equipo, ainda que a mañá non estivera moi agradable.
A próxima xornada visita o Campo da Mina o Cospeito, colista da categoría.

viernes, 6 de noviembre de 2009

Partidos desta fin de semana

  • Sábado 7 de Novembro, 12:00 h.
1ª Autonómica Xuvenil, Grupo 8
Xornada 10
Campo do Acebreiro (A Pastoriza)
U.D. Pastoricense - Sporting Pontenova

Viaxa este sábado o líder ó campo dun dos equipos revelación deste campeonato, o Pastoricense. Logo da goleada por 10-0 ante o Iberia, os de Moirón intentarán sumar a segunda victoria consecutiva que lles permita seguir á fronte da clasificación empatados a puntos co Foz, aínda que estes cun partido menos. O encontro disputarase mañá sábado ás 12 da mañá no campo do Acebreiro, en Pastoriza.

  • Domingo 8 de Novembro, 16:15 h.
2ª Autonómica, Grupo 6
Xornada 9
Campo de A Mina
Sporting Pontenova - U.D. Pastoricense

Logo da importante victoria conseguida o pasado sábado en Lugo ante o Luis Pimentel, reciben os de Sachas ó actual líder da categoría, o Pastoricense, que chega nun gran estado de forma logo de golear a pasada xornada ó San Ciprián por 5-1. Buscarán os da Pontenova a súa terceira victoria consecutiva para conseguir acercarse ós postos altos da táboa e para seguir alonxándose da zona perigosa, que na actualidade queda xa a 5 puntos. O partido será o próximo domingo ás 16:15 da tarde no Campo da Mina.

jueves, 5 de noviembre de 2009

O Sporting Pontenova, tamén presente no "tuenti"

Dende hoxe mismo o Sporting Pontenova xa está presente nas dúas redes sociais máis importantes do momento. Xa hai meses que contamos con un grupo e unha páxina en "facebook", e agora tamén poderedes agregarnos no tuenti e etiquetarnos nas vosas fotos. Só tés que poñer no buscador "Sporting Pontenova" e alí nos encontrarás.

lunes, 2 de noviembre de 2009

O foro volve estar aberto

Volvemos a abrir o foro da páxina para que opinedes sobre os temas relacionados co equipo. Esperamos que se utilice de maneira correcta, pois calquer mensaxe que poida resultar ofensivo ou que utilice unha linguaxe inapropiada será borrado de inmediato. Gracias de antemán e esperamos a vosa participación.

2ª Autonómica: Importante e sufrida victoria en Lugo ante un rival directo, o Luis Pimentel (0-1)

Partido importante o que disputaba o Sporting a tarde-noite deste sábado en Lugo no campo de Frigsa, pois o Luis Pimentel será presumiblemente un rival directo nos obxetivos a final de temporada. Comezaron controlando o encontro os de Sachas, aproveitándose en ataque das internadas polas bandas de Fran e Otto e da habilidade en punta de Puente e Javín, e cunha defensa ben plantada que concedeu escasas ocasións nos primeiro 45 minutos. O gol chegou mediada a primeira parte. Foi obra de Fran, que definiu cun gran tiro cruzado dende o lado esquerdo da área e o balón entrou pegado ó poste. Adiántábanse xustamente os visitantes, que tiveron algunha ocasión clara para irse con máis ventaxa ós vestiarios, sobre todo unha vaselina de Javín que se estrelou no largueiro cando xa se cantaba o gol. Tamén o Luis Pimentel tivo unha gran ocasión para o empate, pero o dianteiro local mandou o balón alto cando Juanki xa estaba superado. O Sporting sentíase superior no campo e estaba controlando un partido que a priori presentábase con máis dificultades, pois o céspede artificial non traía bos recordos ós da Mina. Así se foron ós vestiarios, coa ventaxa lograda co gol de Fran.
No segundo tempo foron os lucenses quenes dominaron o partido, pero a boa defensa visitante desbaratou tódolos intentos de conseguir o empate e os locais non tiveron oportunidades excesivamente claras. O cansancio comezou a facer mella no Sporting, pois o despliegue físico fora importante durante todo o partido, pero aínda así foron capaces de aguantar o resultado e incluso tiveron algunha ocasión boa para ampliar a ventaxa, sobre todo unha por parte de Garboso, que se plantou só diante do porteiro pero o seu disparon marchouse lamendo o pau. Puente, nunha boa xogada persoal, Javín ou Maqueto tiveron tamén algunha ocasión. O partido rematou así, cunha gran victoria do Sporting que lle permite alonxarse dos postos de perigo e poñerse a só 3 puntos do Meira, 4º na táboa.
A seguinte xornada os de Sachas recibirán ó líder, o Pastoricense, na Mina o próximo domingo, nun partido que se prevé atractivo pola proximidade de ambas localidades.

Aut. Xuvenil: Goleada de escándalo ante o Iberia (10-0) para resarcirse da derrota en Viveiro

Logo de caer na xornada anterior ante o Viveiro "B", este sábado volveu a aparecer pola Mina o Sporting das grandes ocasións. Esta vez a víctima foi o Iberia, equipo que se viu desbordado, sobre todo no segundo tempo, polo empuxe e a calidade dos locais. No minuto 15 o marcador xa rexistraba un 2-0. O encargado de abrir a lata foi Antón logo dunha boa xogada individual pola banda esquerda, e minutos despois Matelo ampliaba a ventaxa cunha volea que se colou pola escadra da portería visitante. Ata cerca do descanso non chegaría o terceiro, obra outra vez de Matelo logo dun regalo do gardameta, que fallou no saque e deixoulle o balón franco ó dianteiro asturiano, que definiu cunha boa vaselina. Con este resultado iríanse ós vestiarios. No segundo tempo a superioridade dos da Mina sería aínda máis palpable. Picota faría o cuarto cun disparo que se colou logo de petar nun defensor, e o quinto e o sexto levarían a firma de Turbo, o primeiro cun tiro dende lonxe que e o segundo cunha xogada individual que rematou case sen ángulo. A defensa do Iberia seguía facendo augas e iso aproveitouno Tontxu para facer o sétimo, que conseguiu logo de regatear a dous defensores e colocando o balón na escadra do marco visitante. O oitavo foi obra de Andrés Seoane cun remate picado de cabeza logo dun centro dende a banda dereita. O noveno levou de novo a sinatura de Tontxu, con outro bo disparo e o encargado de cerrar a exhibición foi Ayoub, que marcou un bonito gol logo de plantarse diante do porteiro e regatealo cun gran recorte. Así rematou un partido sin historia, cun rival que veu á Mina por puro trámite e cun Sporting que tiña ganas de deixar boas sensacións logo da última derrota.
Os de Moirón van visitar a próxima semana ó Pastoricense, equipo revelación do que vai de liga. O partido será na mañá do próximo sábado.

domingo, 1 de noviembre de 2009

Avance resultados

Sábado 31 de Outubro, 16:30 h.
1ª Autonómica Xuvenil, Grupo 8
Xornada 9
Campo da Mina
Sporting Pontenova 10 - 0 Iberia C.F.
Goles: 1-0 Antón, 2-0 Matelo, 3-0 Matelo, 4-0 Picota, 5-0 Turbo, 6-0 Turbo, 7-0 Tontxu, 8-0 Andrés Seoane, 9-0 Tontxu, 10-0 Ayoub

Sábado 31 de Outubro, 20:00 h.
2ª Autonómica, Grupo 6
Xornada 8
Campo Luis Gorgoso (Frigsa) (Lugo)
A.D. Luis Pimentel 0 - 1 Sporting Pontenova
Goles: 0-1 Fran

jueves, 29 de octubre de 2009

Partidos desta fin de semana

  • Sábado 31 de Outubro, 16:30 h.
1ª Autonómica Xuvenil, Grupo 8
Xornada 9
Campo da Mina
Sporting Pontenova - Iberia C.F.

Despois de encaixar na pasada xornada a primeira derrota da liga, os rapaces de Moirón intentarán volver á senda das victorias este sábado na Mina. Enfronte, un rival a priori asequible, o Iberia, conxunto ó que o Sporting goleou nos dous enfrontamentos da pasada campaña. Para este partido recuperaránse numerosos efectivos que se perderon o anterior compromiso ante o Viveiro, polo que Moirón volverá a contar con algunha das pezas clave que faltaron o pasado sábado.

  • Sábado 31 de Outubro, 20:00 h.
2ª Autonómica, Grupo 6
Xornada 8
Campo Luis Gorgoso (Frigsa) (Lugo)
A.D. Luis Pimentel - Sporting Pontenova

Tamén este sábado, pero nun horario moi pouco habitual, as 8 da tarde, viaxará o Sporting Pontenova á capital lucense para enfrontarse a un vello coñecido da pasada campaña, o Luis Pimentel. Nos dous enfrontamentos anteriores entre ambos conxuntos saíron gañadores os lucenses, polo que os de Sachas intentarán romper esa mala racha no partido da tarde-noite do sábado. Logo de conseguir a primeira victoria na casa ante o Sacido, buscarán outros 3 puntos que lles permitan seguir alonxándose dos postos baixos da táboa e á súa vez, acercarse un pouco máis ós equipos que ocupan neste momento os lugares de privilexio.


lunes, 26 de octubre de 2009

2ª Autonómica: O Sporting vence ó Sacido (2-1) e consegue os primeiros 3 puntos na Mina

Esta vez á cuarta foi a vencida, e por fin chegou o primeiro triunfo do Sporting Pontenova como local. Logo de dúas derrotas consecutivas os de Sachas necesitaban coller aire e alonxarse dos postos perigosos, pero enfronte tiñan un rival de nivel que chegaba á Mina na cuarta posición da táboa. Foi un partido disputado, duro por momentos, que comezaron controlando os da Pontenova pero que tampouco estaban a poñer en excesivos apuros ós visitantes, que incluso se puideron adiantar pero o seu gol, claramente coa man, foi anulado por un colexiado que se mostrou dubitativo durante todo o encontro. Mediada a primeira parte chegaría o primeiro do Sporting. Saque dende a portería de Juanqui buscando a Puente, que presiona ó central e éste, no intento de ceder o balón ó seu gardameta, supérao por alto subindo o primeiro tanto na Mina. Facíase así xustiza ó visto no céspede ata o momento, pois as oportunidades máis claras estaban a ser dos locais, que levaban perigo polas bandas de Otto e Fran ou con algunha ocasión de Javín, Maqueto ou Puente. Pero o marcador non se moveu e ó descanso chegaríase co 1-0. Arrancou o segundo tempo sen cambios no Sporting, e o xogo continuou desénvolvéndose máis no lado pontenovés pero cun Sacido que non se rendía e que comezou a asediar a portería de Juanki en busca do empate, que chegaría arredor do minuto 15 logo dun pase entre liñas que definiu á perfección o seu dianteiro. Comezaba a planear outra vez na Mina o medo a unha nova derrota pero as dúbidas despexaríanse só dous minutos despois. Javín recibe un balón a 3 metros da área e solta un dereitazo que se lle escapa das máns ó porteiro viveirense poñendo o 2-1 no marcador. Aínda quedaba partido e os de Sachas non baixaron a garda, e pouco despois o árbitro anulou un gol de Puente por suposto fóra de xogo. Nos último minutos o Sacido volveu a apretar e puxo en apuros de novo a Juanki en varias ocasións, pero o marcador non se moveu ata o final do partido.
Con esta victoria colle aire un Sporting que aventaxa en 3 puntos ó Candelaria, seguinte clasificado na táboa, e sitúase 12º con 8 puntos. O seguinte encontro será en Lugo ante o Luis Pimentel o próximo sábado día 31.

Aut. Xuvenil: Un Sporting en cuadro cae en Viveiro (1-0) e deixa escapar os primeiros puntos da liga

Non puido ser a oitava victoria consecutiva noutros tantos partidos de liga. Notáronse en exceso as numerosas baixas do equipo. A defensa que presentou o equipo pontenovés era completamente nova con todos fóra de lugar. Na convocatoria iban 12 xogadores máis un porteiro suplente e con moitos rapaces “tocados” ben sexa por enfermidade ou por problemas físicos. Non era a mellor presentación pero aínda asi o equipo dominou o partido na primeira parte e os primeiros vinte minutos da segunda con moitas ocasións e sen que chegaran os rivais ningunha vez á portería. Faltou sorte en sendos remates de Andrés Seoane unha que se desviou por encima do longueiro e outra que deu na base do pau logo de un gran centro de Cristian e nun un contra un de Matelo que non foi quen a disparar polo mal estado do campo. O Viveiro, que foi un equipo moi forte en defensa, mantivo a posesión do balón pero sin crear nada de peligro e conseguiu o seu gol logo dun gran pase do capitán á espalda da defensa e a que o noso porteiro foi incapaz de anticiparse e que o dianteiro transformou por alto cun leve toque de cabeza conseguindo o 1-0 definitivo. Destacar a actitude do equipo que o intentou xogada tras xogada sabendo as limitacións que tiñan e que de non ser pola mala sorte seguro que sacaba algo positivo do Municipal de Viveiro.

sábado, 24 de octubre de 2009

Avance resultados

  • Sábado 24 de Outubro, 16:30 h.
1ª Autonómica Xuvenil, Grupo 8
Xornada 8
Municipal (Viveiro)
Viveiro C.F. "B" 1 - 0 Sporting Pontenova

  • Sábado 24 de Outubro, 16:30 h.
2ª Autonómica, Grupo 6
Xornada 7
Campo de A Mina
Sporting Pontenova 2 - 1 S.D.R. Sacido
Goles: 1-0 gol en p.p., 2-1 Javín

miércoles, 21 de octubre de 2009

Aut. Xuvenil: Desplazamento a Viveiro


DATA: Sábado 24 de Outubro de 2009
HORA DE SAÍDA: 13:30 h.
LUGAR: Praza dos Fornos
HORA DO PARTIDO: 16:30 h.


PARTIDO: VIVEIRO C.F. "B" - SPORTING PONTENOVA

lunes, 19 de octubre de 2009

2ª Autonómica: Derrota en Alfoz (3-1) logo de chegar ó descanso con ventaxa

Segunda derrota consecutiva para o Sporting Pontenova, que se ve arrastrado así ós últimos postos da táboa. E iso que o partido non puido comezar mellor para os de Sachas, pois ó pouco de empezar Javín recibiu un balón fóra da área e colocouna na escadra da portería do Alfoz, adiantando así ós visitantes. O partido estaba controlado polos gualdinegros, que se sentían agusto no terreo de xogo e non estaban a pasar excesivos apuros. Pero á media hora de xogo chegaba a primeira mala noticia para os pontenoveses, xa que Rivas tiña que retirarse logo de recibir un golpe na cabeza que lle provocou unha brecha bastante profunda. No seu lugar entrou Garboso. As oportunidades continuáronse sucedendo para ambos equipos, e tanto Javín como Puente levaron perigo á portería local en algunha ocasión pero o marcador non se movería neste período, chegando ó descanso co 0-1 a favor do Sporting. As tornas cambiarían bastante no segundo tempo. Ó pouco de comezar Javín puido subir o segundo tanto para os visitantes, pero do posible 0-2 pasouse ó 1-1, pois rápidamente íba a empatar o Alfoz. Non se viu precisamente a mellor versión dos de Sachas neste segundo tempo, e aínda recibirían outros dous goles máis rematando o partido co resultado de 3-1, o que significa a segunda derrota consecutiva do Sporting e que o deixa situado no posto 14 da táboa clasificatoria.
O próximo partido será na Mina ante o Sacido, probablemente o próximo sábado 24. En breve comunicaremos o horaria definitivo do encontro.

Aut. Xuvenil: O líder sigue intratable e golea ó Alfoz na Mina (5-0)

Continúa o pleno de victorias para o Sporting Pontenova xuvenil. A última, este sábado ante o Alfoz na Mina, nun partido controlado polos de Moirón de principio a fin e que ben puido acabar cunha goleada aínda máis escandalosa. Bo aspecto nas bancadas para recibir a un rival que sempre da problemas e que acostuma a protagonizar partidos intensos e de brega, pero esta vez non puido facer nada diante dun conxunto local que xa puido inaugurar o marcador con dúas boas ocasións de Matelo nos primeiros 10 minutos, pero non tardaría moito máis en chegar o primeiro tanto, obra do punta asturiano logo de superar ó porteiro levantándolle o balón. Unha e outra vez os dianteiros pontenoveses gañábanlle a espalda á defensa verdiblanca e as oportunidades sucedíanse continuamente, polo que era cuestión de tempo que os goles seguisen chegando. E o segundo chegaría a balón parado. Tontxu saca unha falta dende a banda esquerda ó punto de penalti e Seoane, libre de marca, bate ó porteiro do Alfoz cunha volea suave pero impecable. Baixou un pouco o ritmo o Sporting froito da tranquilidade dos dous goles, pero aínda así puido ampliar a ventaxa antes do descanso con algunha ocasión máis, pero o marcador non se movería ata a segunda parte. Comezou o segundo tempo igual que o primeiro. O Alfoz seguía sen aparecer pola Mina e iso aproveitábano os de Moirón, que seguiron controlando o partido sen pasar apuros e facendo bo fútbol, e levando sobre todo perigo pola banda de Antón, que volveu a facer un gran partido. A sentencia levaría de novo a firma de Matelo, que logrou o terceiro tanto cun dereitazo dende o borde da área que se colou pegado ó pau da portería visitante sin que o porteiro nada puidese facer. Con este gol soltáronse un pouco máis os locais e pronto chegou o cuarto, obra de Antón logo dunha boa xogada individual. O quinto chegou dende o punto de penalti, e o encargado de transformalo foi Matelo, conseguindo así un novo hat-trick na súa carreira. Con resultado de 5-0 rematou o encontro.
Segue así a excelente racha de victorias dos xuveniles da Pontenova, con 7 noutros tantos partidos, e por riba a derrota do Pastoricense permítelles abrir máis brecha cos perseguidores. Ata o momento o Foz é o único equipo capaz de seguir o ritmo dos de Moirón. A seguinte xornada deparará a visita do Sporting Pontenova ó campo do Viveiro "B", o próximo sábado.

sábado, 17 de octubre de 2009

Avance resultados

  • Sábado 17 de Outubro, 16:00 h.
1ª Autonómica Xuvenil, Grupo 8
Xornada 7
A Mina (A Pontenova)
Sporting Pontenova 5 - 0 C.D. Alfoz
Goles: 1-0 Matelo, 2-0 Andrés Seoane, 3-0 Matelo, 4-0 Antón, 5-0 Matelo (p.)

  • Domingo 18 de Outubro, 16:30 h.
2ª Autonómica, Grupo 6
Xornada 6
Campo Municipal de Alfoz
C.D. Alfoz 3 - 1 Sporting Pontenova
Goles: 0-1 Javín

viernes, 16 de octubre de 2009

Partidos desta fin de semana

  • Domingo 18 de Outubro, 16:30 h.
2ª Autonómica, Grupo 6
Xornada 6
Campo Municipal de Alfoz
C.D. Alfoz - Sporting Pontenova

Despois de dúas temporadas, volverá o Sporting Pontenova a intentar conquistar o feudo do Alfoz. Os de Sachas irán con máis ganas ca nunca logo de cortarse a pasada xornada a racha de 3 partidos consecutivos sen coñecer a derrota, e será ante un rival que só aventaxa ó Sporting en 2 puntos e que está situado na sétima posición, polo que no caso dun triunfo visitante os da Pontenova superarános na clasificación.

  • Sábado 17 de Outubro, 16:00 h.
1ª Autonómica Xuvenil, Grupo 8
Xornada 7
A Mina (A Pontenova)
Sporting Pontenova - C.D. Alfoz

Logo dos 11 goles que recibiu o Xove no anterior compromiso na Mina, un Sporting aínda máis reforzado moralmente recibe mañá sábado ó Alfoz, un rival ó que se lle ten ganas logo de eliminalos da Copa na última participación dos pontenoveses. Os de Moirón volverán a defender o liderato e intentarán seguir coa racha de victorias xa que, polo de agora, contan os seus partidos por triunfos e con só dous tantos encaixados.

martes, 13 de octubre de 2009

2ª Autonómica: O Xermade vence na Mina e amárgalle as festas ó Sporting (2-3)

Como ven sendo costume cando o partido coincide coas festas, o pasado sábado a Mina presentaba un bo ambiente para asistir ó Sporting - Xermade. E como tamén ven sendo costume, desgraciadamente, os da Pontenova seguen sen vencer nos partidos que coinciden cos festexos locais. O encontro non puido comezar de mellor maneira, pois Otto subiu o primeiro gol ó marcador definindo diante do porteiro logo dun excelente pase entre líneas de Rivas. Aveciñábase un partido tranquilo para os mariñanos, pois nos primeiros minutos non pasaban apuros e incluso, por medio de Javi, puideron conseguir o segundo nun par de ocasións. Pero mediado o primeiro tempo chegou o empate do Xermade e a partir de ahí comezaron a controlar o xogo diante dun Sporting que se iba desinflando pouco a pouco. Cerca do descanso chegaría o segundo dos visitantes, logo dun penalti cometido por Joel. Así se irían ós vestiarios, co mal sabor de boca de desperdiciar un gol de ventaxa. Comezou o segundo tempo e o partido non mudou excesivamente. O Sporting poñíalle ganas e puido marcar nalgunha ocasión, pero os visitantes non baixaron o listón e incluso se lles anulou o que podería ser o 1-3. Nese momento Sachas cambiou o debuxo e coa entrada de Puente e Javín situou dous dianteiros no campo. Este último, nada máis entrar no terreo de xogo, mandou de cabeza un balón ó largueiro e minutos despois puxo o empate no marcador transformando unha pena máxima. Pero pouco lles durou a alegría ós da Pontenova pois cerca do final os visitantes conseguiron o definitivo 2-3 nunha xogada desafortunada e chea de rexeites, que acabou co balón no fondo da portería local.
Remata así unha racha de 3 partidos sen perder para os de Sachas, na que conseguiran unha victoria e dous empates. O seguinte compromiso será o fin de semana próximo en Alfoz.

domingo, 11 de octubre de 2009

Aut. Xuvenil: 11 goles para seguir soñando (11-1)

Cómodo encontro o que disputaron os xuvenís do Sporting Pontenova o sábado das festas na Mina. Un abultado resultado ante un rival bastante inferior que non puxo grandes apretos aos rapaces de Moirón.

Os goleadores foron Matelo e Antón, que firmaron sendos hat-trick, Cristian que marcou por partida doble, Turbo, Ayoub e Anxo. Estes dous últimos estreaban a súa conta goleadora desta tempada. Bruno tamén marcou pero en propia porta logo dunha desafortunada acción entre el e Xoel. Ao descanso xa se chegaría cun contudente 5-1 que deixaba sentenciado o partido para que na segunda metade os suplentes dispuxeran de minutos. O vindeiro encontro disputarase tamén na Mina. Da-las grazas a numerosa xente que se acercou ainda sendo nas festas e pola maña.

Crónica enviada por Sergio Arango.

sábado, 10 de octubre de 2009

Avance resultados

  • Sábado 10 de Outubro, 12:00 h.
1ª Autonómica Xuvenil, Grupo 8
Xornada 6
A Mina (A Pontenova)
Sporting Pontenova 11 - 1 U.D. Xove Lago
Goles: Matelo (3), Christian (3), Antón (2), Ayoub, Turbo e Anxo

  • Sábado 10 de Outubro, 17.30 h.
2ª Autonómica, Grupo 6
Xornada 5
A Mina (A Pontenova)
Sporting Pontenova 2 - 3 S.D.C. Xermade
Goles: 1-0 Otto, 2-2 Javín (p.)

viernes, 9 de octubre de 2009

Partidos desta fin de semana

  • Sábado 10 de Outubro, 17.30 h.
2ª Autonómica, Grupo 6
Xornada 5
A Mina (A Pontenova)
Sporting Pontenova - S.D.C. Xermade

Despois da victoria ante o Meira, buscarán os de Sachas outro triunfo que os acerque ós postos altos da táboa. O bo aspecto das bancadas que se espera na Mina ó coincidir coas festas locais será un aliciente máis para que xogadores do Sporting intenten conseguir os 3 puntos ante o Xermade, un equipo con experiencia na categoría que chegará á Pontenova coa intención de amargar o ambiente festivo da afición local.

  • Sábado 10 de Outubro, 12:00 h.
1ª Autonómica Xuvenil, Grupo 8
Xornada 6
A Mina (A Pontenova)
Sporting Pontenova- U.D. Xove Lago

Mañá ás 12:00 será o turno do equipo xuvenil, líder intratable da categoría. Despois de 5 victorias consecutivas, e con só un gol recibido, buscarán manterse no máis alto unha semana máis a costa do Xove Lago, equipo ante o que os de Moirón saíron victoriosos en ambos encontros da pasada campaña. A pesar de disputarse ás 12 da mañá, espérase un bo ambiente nas gradas.

lunes, 5 de octubre de 2009

2ª Autonómica: Primeira victoria da temporada no derbi ante o Meira (0-1)

Chegaron por fin, logo de dous empates consecutivos, os primeiros 3 puntos desta tempada. E foi nun dos partidos nos que sempre gusta ganar, ante o Meira e a domicilio. Non foi un encontro vistoso, pois os dous conxuntos, recén ascendidos, comezaron o partido con dúbidas e tratando de observar como se desenvolvía o rival, polo que o xogo non era fluído e as ocasións non acababan de chegar. Ó cuarto de hora tivo que ser sustituído, lesionado, o mellor home do Meira, Víctor, e a partir de ahí o Sporting foise facendo pouco a pouco co control, aínda que na primeira parte os achegamentos non foron moi claros. Os locais tamén tiveron escasas oportunidades e en ningún momento puxeron en excesivos apuros ós de Sachas, que recuperou para este partido a homes como Carlos, Iván, Fran e Marcos Conde. Chegouse ó descanso co 0-0 inicial. Na reanudación os visitantes seguiron co seu dominio, pero aínda así puideronse adiantar os de Meira nalgunha ocasión, cun balón que enviaron ó largueiro e pouco despois cunha oportunidade que sacou cunha man espectacular Pablo, que saíra minutos antes pola lesión de Juanki. Tamén puideron os pontenoveses inaugurar o marcador, sobre todo nunha vaselina de Puente que se foi fóra logo de petar no largueiro. O gol do triunfo sportinguista chegaría no tempo de desconto, e foi obra dun ex-xogador do Meira, Garboso. Puente botou un córner dende a banda esquerda e o central cabeceu de maneira impecable picando o balón ó segundo pau, ante o que nada puido facer o porteiro. Un cabezazo que vale os tres primeiros puntos da temporada.
O seguinte partido vaise disputar o próximo sábado, coincidindo coas Feiras da San Lucas. Será no Campo da Mina ante o Xermade.

Aut. Xuvenil: O líder segue sin fallar e vence ó Burela na Mina (2-0)

Esta vez o rival dos pontenoveses foi o Burela, un equipo bastante ben plantado atrás e que dispuxo dalgunha ocasión para batir a Xoel. O partido comezou falto de ritmo, cos dous equipos defendendo máis que atacando, e principalmente utilizando o xogo en largo. A primeira gran ocasión tívoa Antón, que ca portería baleira e logo dun despexe do porteiro visitante a un tiro de Matelo, non foi capaz de introducir o balón na rede. Co paso dos minutos e sen que o marcador se movera, apareceu marcar por baixo logo dun forte disparo arredor do minuto 45. Co resultado de 1-0 a prol dos locais chegaríase ó descanso. Na reanudación, o Sporting seguiu dispoñendo de ocasións, ata que Arango cazou un rexeite da defensa visitante para, dende 25 metros, meter o balón pola escadra e sentenciar o partido co 2-0. A partir deste momento só hai que destacar o carrusel de cambios por parte dos dous adestradores, e así se chegou ó final. Dar grazas a toda a xente que se acercou á Mina ver o partido. O próximo partido será o próximo sábado ás 12:05 da mañá, ante o Xove Lago na Mina e coincidindo cos festexos patronais do pobo.

Crónica enviada por Sergio Arango.

sábado, 3 de octubre de 2009

A afición opina

Cal é o obxetivo do equipo xuvenil?

Avance resultados

  • Sábado 3 de Outubro, 16.30 h.
2ª Autonómica, Grupo 6
Xornada 4
A Lomba (Meira)
Meira F.C. 0 - 1 Sporting Pontenova
Goles: 0-1 Garboso

  • Sábado 3 de Outubro, 16.30 h.
1ª Autonómica Xuvenil, Grupo 8
Xornada 5
A Mina (A Pontenova)
Sporting Pontenova 2 - 0 S.D. Burela
Goles: 1-0 Matelo, 2-0 Sergio Arango

jueves, 1 de octubre de 2009

Partidos desta fin de semana

  • Sábado 3 de Outubro, 16.30 h.
2ª Autonómica, Grupo 6
Xornada 4
A Lomba (Meira)
Meira F.C. - Sporting Pontenova


Logo de dous empates consecutivos, preséntaselles ós de Sachas unha nova oportunidade para lograr a primeira victoria da temporada. O rival será un clásico, o Meira, e o partido disputaráse na tarde do sábado no campo da Lomba, no que será un novo enfrontamento entre dous equipos veciños que levaban duas temporadas sen verse as caras.

  • Sábado 3 de Outubro, 16.30 h.
1ª Autonómica Xuvenil, Grupo 8
Xornada 5
A Mina (A Pontenova)
Sporting Pontenova - S.D. Burela

O flamante líder invicto da categoría, o Sporting Pontenova, recibe este sábado na Mina a un rival sempre complicado, o Burela. Servirá o partido para comprobar se, logo de 4 victorias consecutivas, os de Moirón afianzan o seu papel de favoritos na competición e para mandarlle outro aviso ós equipos perseguidores.