O grupo 6 da Segunda Autonómica cérrase co ascenso a ultima hora do Candelaria

A desaparición do Muras provocou varios cambios no grupo 6 da Segunda Autonómica, no que militará a proxima temporada o Sporting Pontenova. A disolución do equipo mariñano supuxo o retorno do Lourenzá a Primeira Rexional, categoria da que descendera esta tempada, e o ascenso in-extremis do Candelaria, cuarto clasificado a pasada liga por detrás do Sporting. Os integrantes do grupo, agás o Bonxe, son todos vellos coñecidos dos pontenoveses, e volveranse a producir enfrontamentos contra rivais como Mondoñedo, Meira ou Pastoricense, partidos sempre moi disputados pola rivalidade derivada da proximidade entre pobos. Con estes cambios o grupo quedará composto polos seguintes equipos:
Grupo 6: Parga, San Ciprián, Pol, Alfoz, Pastoricense, Xermade, Sacido, Mondoñedo, Rioaveso, Bonxe, Folgueiro, Galdo, Meira, Luis Pimentel e Sporting Pontenova.