Un Sporting escaso de efectivos presentábase o pasado sábado no campo de Trasvías, en Galdo, co obxetivo de rematar a competición con bon sabor de boca logo de gañar só un partido dos últimos 8. O gran número de baixas foi un hándicap para os de Sachas dende o principio, e máis logo de sufrir a expulsión de Marcos Conde preto da media hora de xogo, cando o marcador xa reflexaba un 1-0 favorable ós locais. Pero antes do descanso a diferencia aumentaría, polo que se presentaba unha segunda parte nada esperanzadora para os gualdinegros.Pero ó pouco de comezar xa se viron as intencións dos de Sachas, e sería Pablín quen recortase distancias ós poucos minutos. Primeiro gol do pequeno xogador pontenovés logo do seu retorno ós campos de fútbol tras varios meses de ausencia por lesión. Minutos máis tarde sería Javi o que poñería o definitivo 2-2 no marcador, cun gran disparo que se colou pola escadra do marco rival, todo un golazo. Logo do empate, o partido contou con alternativas para ámbolos conxuntos pero o resultado non se movería ata o final.
Termina así a Liga o Sporting Pontenova nun meritorio 10º posto, o que significa a consecución do obxetivo marcado dende o principio, a permanencia, algo que non se conseguira ata o de agora nesta nova etapa do equipo. Agora comeza unha nova aventura na Copa Diputación, na que o primeiro rival será o máis difícil que podía tocar, o Pastoricense, flamante campión de Liga. A ida será o próximo domingo no campo do Acebreiro, e a volta unha semana máis tarde na Mina.
Podes descargar aquí o cadro da Copa.
No hay comentarios:
Publicar un comentario