Gran victoria o pasado sábado en Galdo, nun partido a priori complicado ante un rival da parte media da táboa. O Sporting chegou a terras vivarienses cunha idea moi clara, realizar un partido serio basándose sobre todo na seguridade defensiva que non mostrara no segundo tempo ante o Muimenta. E conseguiuno, pois non pasou demasiados apuros prácticamente en ningún tramo dos 90 minutos. Tampouco gozou de moitas ocasións, por iso o primeiro gol non chegou ata mediado o segundo tempo cun penalti transformado por Maketo. O segundo chegaría a falta de 10 minutos, nun centro de Jorge que, coa axuda dun defensa do Galdo, acabou dentro da portería poñendo o 0-2 definitivo. Con esta victoria, os de Moirón sitúanse a só un punto do Pol, que marca o límite coas posicións tranquilas.
No hay comentarios:
Publicar un comentario