2ª Autonómica: O Riaveso acaba de forma contundente coa racha de 5 victorias seguidas do Sporting

6 partidos levaban os de Moirón sen coñecer a derrota, dos cales os 5 últimos foran todos victorias, e co mérito engadido de non recibir goles nestes encontros. Pero as baixas en defensa fixéronse notar demasiado o pasado domingo na visita do Rioaveso, 4º clasificado, que saíu victorioso da Mina con un contundente 2-4, aínda que no segundo tempo os locais tiveron momentos de semellar que podían sacar un resultado positivo, logo de poñerse primeiro 1-2 co gol de Maketo de penalti minutos despois co 2-3 de Catalin. Pero os chairegos puxeron terra de por medio co 2-4 e os pontenoveses xa non puideron facer fronte a esa diferencia. Con esta derrota, o Sporting baixa dous postos pero queda nunha posición moi tranquila da táboa, a 7 puntos das posicións de perigo a falta de 9 por xogarse.

Aut. Xuvenil: Un bo Sporting deixa escapar un punto ante o líder nos últimos minutos

Chegaban os de Moirón a Pastoriza para enfrontarse ó líder, e despois de 3 derrotas seguidas, non parecía o campo máis propicio para acabar con esa racha negativa. Pero os pontenoveses deron a cara en todo momento e a punto estiveron de dar a sorpresa no campo do Acebreiro, que viu en moitas fases do partido como os visitantes se podían adiantar no marcador. Pero unha xogada desafortunada cando o partido parecía abocado ó 0-0 acabou co gol do Pastoricense que á postre significaría a victoria, deixando ó Sporting empatado a puntos co antepenúltimo clasificado.

Resultados

2ª AUTONÓMICA, GRUPO 6

Domingo 27 de Marzo, 17h30
27ª Xornada
 A Mina

Sporting Pontenova 2 - 4 S.D. Rioaveso-Machinango

Goles: 1-2 Maqueto (p.), 2-3 Catalin

Resultados

1ª AUT. XUVENIL, GRUPO 7

Sábado 26 de Marzo, 16h30
22ª Xornada

 O Acebreiro

U.D. Pastoricense 1 - 0 Sporting Pontenova

2ª Autonómica: Sporting Pontenova - S.D. Rioaveso

2ª Autonómica: Un Sporting lanzado vence pola mínima en Roupar e suma o seu 5º triunfo seguido

O mellor momento da temporada para o Sporting Pontenova confirmouse coa 6ª xornada consecutiva sen perder e co 5º triunfo consecutivo, o último o pasado sábado no campo do Roupar. Foi un partido no que os pontenoveses foron superiores no global do encontro, pero que se decidiu por un gol de Puente xusto antes de chegar ó descanso logo dun grave erro do porteiro local. No segundo tempo os de Moirón seguiron controlando, pero as cousas complicáronse nos minutos finais logo das expulsións dos dous centrales, Manu e Lolo, que se perderán a vindeira xornada. Minutos antes tamén vira a vermella un xogador do Roupar. Aínda así, os gualdinegros aguantaron e fixéronse cunha importante victoria que deixa a permanencia case sentenciada, situándose a a 10 puntos do descenso directo e a 7 dos postos con perigo de arrastres, a falta de 4 xornadas e 12 puntos en xogo. O seguinte rival será o Rioaveso, que visitará A Mina o domingo ás 17.30 da tarde.

Aut. Xuvenil: Victoria do Sagrado Corazón na Mina, a 3ª derrota consecutiva do Sporting

Presentábase o Sagrado Corazón, 4º clasificado, o pasado sábado na Mina en horario matinal, debido ó compromiso do equipo sénior o mesmo día pola tarde. Volvía o equipo capitalino a un campo que non se lle daba nada ben nos últimos anos, pero esta vez era un novo Sporting o que iba ter enfronte, un equipo con aspiracións non tan altas como no pasado. E iso aproveitárno os blanquiazuis para levarse 3 puntos da Mina e seguir así loitando polo campionato de liga, nunha pelexa na que están implicados ata 5 equipos. Foi nun partido no que se mostraron superiores diante dun conxunto pontenovés que acusou as importantes baixas de Arango e Catalin, e acabou cedendo por 0-2. Este resultado deixa ós de Moirón no posto 11º, aínda que a pouca distancia da zona tranquila da clasificación. O seguinte compromiso será o vindeiro sábado no campo do Acebreiro, en Pastoriza, ante o líder da categoría.

Resultados

2ª AUTONÓMICA, GRUPO 6

Domingo 19 de Marzo, 16h30
26ª Xornada
 Campo Novo

S.D.C. Roupar 0 - 1 Sporting Pontenova

Goles: 0-1 Puente

Resultados

1ª AUT. XUVENIL, GRUPO 7

Sábado 19 de Marzo, 11h30
21ª Xornada

 A Mina

Sporting Pontenova 0 - 2 A.D. Sagrado Corazón

2ª Autonómica: A permanencia, máis cerca logo de volver a gañar na Mina despois de 5 meses

O Galdo fora o último equipo en saír derrotado da Mina, por 3-1 o pasado 24 de Outubro. Houbo que esperar case medio ano para volver a conseguir os 3 puntos como local, e produciuse no tramo máis importante da temporada e cando mellor forma están a demostrar os de Moirón. Foi o pasado domingo ante o Bonxe, nun partido moi complicado que non se resolveu ata os últimos 10 minutos, donde os goles de Jorge e do xuvenil Catalin firmaron un 2-0 que deixa ó Sporting a 8 puntos precisamente do Bonxe, conxunto que ocupa a última plaza de descenso. O Roupar e o Pol, equipos en perigo polo descenso en cascada, quedan xa a 7 dos pontenoveses.

Aut. Xuvenil: Derrota en Cospeito nun partido marcado polas baixas

Presentábase o Sporting xuvenil a mañá do sábado en Cospeito cun equipo de circunstancias, marcado polas baixas de xogadores importantes como Picota, Arango, Anxo ou Camiño. Foi por isto polo que, de maneira extraordinaria, o porteiro Marco tivo que actuar no centro do campo para axudar a compoñer un once de garantías. O Cospeito estaba situado só dous puntos por debaixo dos pontenoveses, polo que despois da victoria por 2-0 colócase por diante dos de Moirón, deixando ó Sporting na zona media-baixa da táboa pero con un importante colchón de puntos respecto ós dous últimos. O próximo sábado, no seguinte compromiso, visitará A Mina un dos "gallitos" da categoría, o Sagrado Corazón.

Resultados

2ª AUTONÓMICA, GRUPO 6

Domingo 13 de Marzo, 16h30
25ª Xornada
 A Mina

Sporting Pontenova 2 - 0 Bonxe F.C.

Goles: 1-0 Jorge, 2-0 Catalin

Resultados

1ª AUT. XUVENIL, GRUPO 7

Sábado 12 de Marzo, 11h30
20ª Xornada

 A Fonte

C.D. Cospeito 2 - 0 Sporting Pontenova

2ª Autonómica: Sporting Pontenova - Bonxe F.C.

2ª Autonómica: 3 puntos que poden valer unha permanencia

Paso de xigante do Sporting Pontenova o pasado domingo ante o Pol, nun partido disputado en Bretoña. Os gualdinegros tiñan unha oportunidade inmellorable para escapar dos postos perigosos e, de paso, afundir un pouco máis neles ó equipo de Miranda. Resolveu Javín ó principio da segunda parte cun gol que resultaría definitivo, e que deixa ós de Moirón 5 puntos por riba do descenso e a só 3 do Meira, 9º clasificado.

Aut. Xuvenil: O entroido non lle senta ben ó Sporting, con 2 derrotas en 2 encontros

Non foi boa época o carnaval para os xuveniles do Sporting. Disputaron dous partidos, o sábado contra o Pol e o martes contra o Alfoz, ambos na Mina. No primeiro caeron por un contundente 0-4, nun partido controlado totalmente polo rival, que chegaba á Mina nas últimas posicións na táboa. No partido do martes o resultado foi máis apretado, 1-2 para o Alfoz, nun choque no que o Sporting tivo ocasións para empatar no tramo final.

Resultados

1ª AUT. XUVENIL, GRUPO 7

Martes 8 de Marzo, 17h30
12ª Xornada

 A Mina

Sporting Pontenova 1 - 2 C.D. Alfoz

Goles: 1-2 Catalin

Resultados

2ª AUTONÓMICA, GRUPO 6

Domingo 6 de Marzo, 16h30
24ª Xornada
 Bretoña

S.D. Pol 0 - 1 Sporting Pontenova

Goles: 0-1 Javín

Resultados

1ª AUT. XUVENIL, GRUPO 7

Sábado 5 de Marzo, 16h30
19ª Xornada

 A Mina

Sporting Pontenova 0 - 4 S.D. Pol

1ª Autonómica Xuvenil

2ª Autonómica: Nin o árbitro pode cun Sporting que vence pola mínima ó Sacido en Viveiro

Visitaba o Sporting o Municipal de Viveiro para medirse a un dos favoritos ó ascenso, o Sacido. Os de Moirón acudían coa intención de seguir coa boa imaxe que están ofrecendo nos partidos lonxe da Mina, como o da anterior xornada na victoria ante o Galdo. E cumpliron sobradamente, cunha gran victoria gracias a un gol de Javi nos primeiros minutos da segunda parte. O árbitro, con varias xogadas polémicas a favor dos locais, foi un dos protagonistas do partido. Puido cambiar o desenlace cun penalti a favor do Sacido que se inventou nos instantes finais, pero o xogador local mandou o balón alto e ó final os 3 puntos viñéronse para A Pontenova.